77 ఏళ్ల మహిళ నుండి 1.2 కోట్లు ఎలా కొట్టేశారో తెలుసా?

ముంబై క్రైమ్ బ్రాంచ్ అధికారులుగా చెప్పుకునే వ్యక్తుల నుంచి వరుసగా మహిళకు కాల్స్ వచ్చాయి. ఆమెపై మనీలాండరింగ్ ఆరోపణలు గుప్పించారు. ఆమె బ్యాంకు ఖాతాలు, పెట్టుబడులకు సంబంధించిన వివరాలను అడిగారు. సరైన సమాచారం ఇవ్వకపోతే అరెస్టు చేస్తామని బెదిరించారు. మోసగాళ్లు నకిలీ ఎఫ్‌ఐఆర్, సుప్రీంకోర్టు అరెస్ట్ వారెంట్‌తో సహా నకిలీ పత్రాలను ఆమెకు పంపించడంతో భయపడి పోయింది. వెంటనే 1,28,70,000 రూపాయలు.. వారికి ట్రాన్స్ఫర్ చేసింది. విచారణ పూర్తయ్యాక డబ్బు తిరిగి ఇచ్చేస్తానని హామీ ఇచ్చారు. ఎంతసేపు ఎదురు చూసినా వారి నుండి స్పందన రాలేదు. వారిని సంప్రదించేందుకు ప్రయత్నించినా అందుబాటులోకి రాలేదు. మోసపోయానని గ్రహించిన ఆమె పోలీసులకు ఫిర్యాదు చేసింది. ప్రతి రోజూ ఇలాంటి ఘటనలు దేశంలో నమోదవుతూనే ఉన్నాయి. అయితే ఇలాంటి వాటి పట్ల ఎంతో జాగ్రత్తగా ఉండాలని పోలీసులు సూచిస్తూ ఉన్నా కూడా ఎక్కడో ఒకచోట.. ఎవరో ఒకరు ఈ మోసాలకు బలవుతూ ఉన్నారు.