India : ఇకపై ఆధార్‌తో బ్యాంకు ఖాతా అనుసంధానం అయి ఉండాల్సిందే.. అప్పుడే నగదు బదిలీ

అయితే ఇప్పటి వరకూ ఈ పథకం కింద నిధులను కేంద్ర ప్రభుత్వం రాష్ట్రాలకు ఇస్తుండగా రాష్ట్ర ప్రభుత్వాలు చేపట్టిన పనులలో కూలీలుగా పనిచేసిన వారికి నగదును నేరుగా అందిస్తుంది. ఏటా లక్షల కోట్ల రూపాయలు ఈ పథకం కింద కేంద్ర ప్రభుత్వం చెల్లిస్తూ కార్మికులకు ఉపాధి కల్పించే కార్యక్రమం పక్క దారి పడుతుందని భావించిన కేంద్రం అందుకు నష్ట నివారణ చర్యలు చేపట్టింది. అయితే ఇలా అనుసంధానంపై ప్రతిపక్షాలు లబ్దిదారుల సంఖ్యను తగ్గించడానికేనని విమర్శలు చేస్తున్నా నిధులు పక్కదారి పట్టకుండా ఉండటానికేనని కేంద్ర ప్రభుత్వం చెబుతోంది

ఇప్పటి వరకూ దేవంలో 25.89 కోట్ల మంది ఈ పథకం కింద కూలీలుగా నమోదు చేసుకున్నారు. అయితే ఆధార్ నెంబరుతో బ్యాంకు ఖాతాలతో అనుసంధానం చేసుకున్న వారు కేవలం 13.49 కోట్ల రూపాయలు మాత్రమే. దీనిని సాకుగా చూపిన రాష్ట్ర ప్రభుత్వాలు నిధులను పక్కదారి పట్టిస్తున్నాయని భావిస్తుంది. అందుకోసమే ఈ పథకం కింద ఇక నేరుగా నిధులను కూలీల బ్యాంకు ఖాతాల్లోనే జమ చేయాలని నిర్ణయించింది. డిసెంబరు 31వ తేదీతో ఆధార్ తో బ్యాంకు ఖాతాను అనుసంధించుకోవాల్సిన గడువు ముగియడంతో ఇకపై ఆధార్ తో అనుసంధానం ఉన్న బ్యాంకు ఖాతాల్లోనే ఈ పథకం కింద నేరుగా కూలీల ఖాతాల్లో జమ చేయనున్నారు.