Breaking : ఢిల్లీ అసెంబ్లీ ఎన్నికల తేదీలను ప్రకటించిన ఈసీ

ఢిల్లీ అసెంబ్లీ ఎన్నికల షెడ్యూల్ ను కేంద్ర ఎన్నికల సంఘం విడుదల చేసింది. జనవరి 10 వతేదీన ఎన్నికల నోటిఫికేషన్ విడుదలవుతుందన్నారు. వచ్చే నెల 5వ తేదీన ఢిల్లీ ఎన్నికల పోలింగ్ జరగనుంది. ఫిబ్రవరి 8వ తేదీన కౌంటింగ్ జరుగుతుంది. ఒకే విడత ఎన్నికలు జరుతాయని తెలిపారు.జనవరి పదిహేడో తేదీ నామినేషన్లకు ఆఖరి గడువు. ఢిల్లీలో అన్ని ప్రాంతాలకు చెందిన ప్రజలు ఉంటారని కేంద్ర ఎన్నికల కమిషనర్ రాజీవ్ కుమార్ తెలిపారు. ఈ ఏడాది తొలిగా ఢిల్లీ ఎన్నికలు జరుగుతున్నాయని తెలిపారు. ఎన్నికలను ప్రశాంతంగా, శాంతియుతంగా నిర్వహిస్తామని ఆయన తెలిపారు. రాజకీయ పార్టీలు కూడా తమకు సహకరించాలని, నిష్పక్షపాతంగా ఎన్నికలు జరుగుతాయని తెలిపారు. ఓట్ల తొలిగింపు ప్రచారంలో వాస్తవం లేదని రాజీవ్ కుమార్ తెలిపారు. గత ఏడాది ఎన్నికలను విజయవంతంగా నిర్వహించామని ఆయన చెప్పారు. ఓటర్ల లిస్ట్ లో ట్యాంపరింగ్ జరిగిందన్నది కూడా అవాస్తమని అన్నారు. ఈవీఎంలతోనే పారదర్శకంగా ఫలితాలు వస్తాయని ఆయన అన్నారు.