చెన్నై ఎయిర్ పోర్టుకు ఊహించని కష్టాలు

మిచాంగ్ తుఫాను ఆంధ్రప్రదేశ్, తమిళనాడు రాష్ట్రాలను వణికిస్తూ ఉంది. భారీ వర్షాల కారణంగా చెన్నైను భారీ వర్షం ముంచెత్తింది. పాఠశాలలు, కళాశాలలు, ప్రభుత్వ కార్యాలయాలను మూసివేయమని అధికారులు ఆదేశించారు. ముఖ్యంగా చెన్నై విమానాశ్రయం కార్యకలాపాలు నిలిపివేశారు. 12 దేశీయ విమానాలు, నాలుగు అంతర్జాతీయ విమానాలు రద్దు చేశారు. వాతావరణ పరిస్థితుల కారణంగా మూడు అంతర్జాతీయ విమానాలను బెంగళూరుకు మళ్లించారు. ఎయిర్‌పోర్ట్ రన్‌వేలోకి వర్షపు నీరు ప్రవేశించడంతో విమానాలు నిలిచిపోయిన పలు వీడియోలు వైరల్ అవుతున్నాయి. ఈరోజు రాత్రి 11 గంటల వరకు విమానాశ్రయాన్ని మూసివేయాలని అధికారులు ఆదేశించారు.