కాంగ్రెస్ చీఫ్ గా ఖర్గే

ఎందరో అగ్రనేతలు అధిష్టించిన ఈ పదవి దక్కడం తనకు సంతోషంగా ఉందని నూతన అధ్యక్షుడు మల్లికార్జున ఖర్గే అన్నారు. తన అనుభవాన్ని ఉపయోగించి కాంగ్రెస్ బలోపేతానికి కృషి చేస్తానని తెలిపారు. కాంగ్రెస్ తో తన అనుబంధం ఈనాటిది కాదన్నారు. సోనియా సలహాలతో కాంగ్రెస ను ముందుకు తీసుకెళ్లేందుకు తాను ప్రయత్నిస్తానని ఖర్గే చెప్పారు. కాంగ్రెస్ సిద్ధాంతాలను ముందుకు తీసుకెళ్లడమే తన లక్ష్యమని ఆయన తెలిపారు. పేద ప్రజలకు అండగా కాంగ్రెస్ ఎప్పుడూ నిలిచిందన్నారు. తనపై నమ్మకం ఉంచిన ప్రతి ఒక్కరికీ ఖర్గే కృతజ్ఞతలు తెలిపారు. చింతన్ భైటక్ లో సోనియా నేతృత్వంలో రూపొందించిన రూట్ మ్యాప్ ప్రకారం తాను పార్టీని ముందుకు తీసుకెళతానని తెలిపారు.