కీలకమైన రోజు.. కాంగ్రెస్ పార్టీ అధ్యక్షుడిని ఎలా ఎన్నుకోబోతున్నారంటే..?
కాంగ్రెస్ పార్టీ అధ్యక్ష ఎన్నిక పోలిం‌గ్‌కు రంగం సిద్ధమైంది. 24 ఏళ్లలో గాంధీయేతర అధ్యక్షుడిని ఎన్నుకునేందుకు కాంగ్రెస్ లో ఈరోజు సందడి నెలకొంది. 2024 లోక్‌సభ ఎన్నికలకు ముందు పార్టీలో ఊపు తెప్పించడానికి ఈ ఎన్నికలు అని చెబుతున్నారు. 137 ఏళ్ల కాంగ్రెస్ చరిత్రలో 1998 నుంచి సోనియాగాంధీ ఈ అత్యున్నత పదవికి బాధ్యతలు వహించగా.. ఆ తర్వాత రాహుల్ ఆ పదవి నుండి తప్పించుకోగా అతని తల్లి తిరిగి పార్టీ తాత్కాలిక చీఫ్‌గా పనిచేస్తున్నారు. 24 ఏళ్ల తర్వాత అధ్యక్షుడి ఎంపిక కోసం సోమ‌వారం పోలింగ్ జరుగనుంది. ఉదయం 10 నుంచి సాయంత్రం 4 గంటల వరకు ఈ ఓటింగ్ కొనసాగుతుంది. దేశవ్యాప్తంగా మొత్తం 9,100కు పైగా పార్టీ సభ్యులు పోలింగ్‌లో పాల్గొ‌న‌ను‌న్నారు. రహస్య బ్యాలెట్ విధా‌నంలో జరు‌గ‌నున్న ఈ ఎన్నిక ఫలి‌తాన్ని ఈ నెల 19న వెల్లడించ‌ను‌న్నారు. ప్రతి రాష్ట్రంలోని పిసిసి ప్రధాన కార్యాలయంలో పోలింగ్ జరుగుతుంది. ఒకే బదిలీ ఓటు కింద ఓట్ల లెక్కింపు జరుగుతుంది. అత్యధిక ఓట్లు సాధించిన అభ్యర్థిని అధ్యక్షుడిగా ప్రకటిస్తారు.
