Corona Virus : ఏందయ్యా ఇదీ... నిజంగానేనా? మళ్లీ తరుముతోందా?

ప్రధానంగా జేఎన్ 1 వేరియంట్ వ్యాప్తి జరుగుతుండటం కొంత భయాందోళనలకు గురి చేస్తుంది. నిన్న కరోనా వైరస్ తో 335 మంది బాధపడటం, అందులో ఐదుగురు మరణించడంతో ప్రభుత్వం అప్రమత్తమయింది. కేరళలోనే ఎక్కువగా ఈ వ్యాధి ప్రబలుతుంది. కేరళ, కర్ణాటక రాష్ట్రాల్లో ఎక్కువగా ఈ వైరస్ సోకిందని తెలిపారు. వృద్ధులు, దీర్ఘకాలిక వ్యాధులున్న వారు మాస్క్ లు ధరించడంతో పాటు భౌతిక దూరం పాటించడమే మేలని వైద్య నిపుణులు సూచిస్తున్నారు.

ప్రపంచ ఆరోగ్య సంస్థ కూడా హెచ్చరికలు జారీ చేసింది. జేఎన్ 1 వేరియంట్ అతి వేగంగా వ్యాప్తి చెందుతుందని, అందుకే మాస్క్ లు ధరించడం తప్పనిసరి అని వైద్య నిపుణులు సూచిస్తున్నారు. కేరళకు చెందిన 79 ఏళ్ల మహిళలో ఒమిక్రాన్ సబ్ వేరియంట్ బిఏ 2.86 తో పాటు జేఎన్ 1 కొత్త వేరియంట్ ను కనుగొన్నారు. ఇప్పటికే సింగపూర్ వంటి దేశాలు మాస్క్ లను కంపల్సరీ చేశాయి. మన దేశంలో కర్ణాటకలోనూ సీనియర్ సిటిజన్లు విధిగా మాస్క్‌లు వాడాలని పేర్కొంది. అప్పుడే వైరస్ ను వ్యాప్తి చెందకుండా చూడగలమని నిపుణులు చెబుతున్నారు. ప్రజలు అప్రమత్తంగా ఉంటేనే ఈ వైరస్ వ్యాధి బారిన పడకుండా ఉంటారని సూచిస్తున్నారు.