Sabarimala : దర్శన సమయాన్ని పొడిగించినా.. లాభం లేదే.. ఇంతటి క్యూలైనా?

ఇరుముడులు ఎత్తుకుని క్యూలైన్లలోనే అయ్యప్పలు గంటల తరబడి వేచి చూడాల్సి వస్తుంది. చివరకు శబరిమలలో పరిస్థితిపై హైకోర్టు కూడా జోక్యం చేసుకుంది. ముందుగా బుక్ చేసుకున్న వారినే దర్శనానికి అనుమతించాలని కోరింది. కానీ భక్తుల సంఖ్య మాత్రం తగ్గడం లేదు. ప్రధానంగా తెలుగు రాష్ట్రాల నుంచే అత్యధిక సంఖ్యలో భక్తులు వస్తుండటంతో అనేక ఇబ్బందులు పడుతున్నారు. భక్తులకు సరైన సౌకర్యం కల్పించడంలో దేవస్థాన యాజమాన్యం చేతులెత్తేసింది. మండల పూజకు ఇంత పెద్ద స్థాయిలో భక్తులు రావడం ఇదే తొలిసారి అని ఆలయ అధికారులు చెబుతున్నారు.