విమానంలో పేలిన మొబైల్ ఫోన్.. పైలట్ ఏమి చేశాడంటే?

ఉదయ్ పూర్ నుండి ఢిల్లీ వెళ్లాల్సిన ఎయిర్ ఇండియా విమానంలో టేకాఫ్ అయిన కొన్ని నిమిషాలలోనే ఓ పేలుడు సంభవించింది. దీంతో ఏమి జరిగిందా అని అందరూ ఒక్కసారిగా టెన్షన్ మొదలైంది. లోపల పొగలు కూడా వస్తూ ఉండడంతో క్యాబిన్ క్రూ ఈ విషయాన్ని పైలట్ కు తెలియజేశారు. వెంటనే పైలట్ ఏ మాత్రం ఆలస్యం చేయకుండా ల్యాండ్ చేసేశాడు. తీరా చూస్తే ఇందుకు కారణం పేలిన మొబైల్ ఫోన్. టేకాఫ్ సమయంలో ఓ ప్రయాణికుడి సెల్ ఫోన్ పేలడంతో విమానం అత్యవసరంగా ల్యాండ్ అయింది. విమానంలో పొగలు రావడంతో పైలట్ విమానాన్ని ల్యాండ్ చేశాడు. సమస్యను పరిష్కరించిన తర్వాత గంట వ్యవధిలోనే విమానం ఉదయపూర్ నుంచి బయలుదేరింది.