వాహనదారులకు షాక్.. ఈ వారంలోనే పెట్రో మంట

ఫలితాల అనంతరం పెట్రోల్, డీజిల్ రేట్ల వడ్డన తప్పదంటున్నారు నిపుణులు. నిపుణుల అంచనా ప్రకారం ఈ వారంలోనే పెట్రోల్, డీజిల్ రేట్లు భారీగా పెరగనున్నట్లు తెలుస్తోంది. రష్యా-ఉక్రెయిన్ మధ్య యుద్ధం ప్రారంభం కాకముందు క్రూడాయిల్ బ్యారెల్ ధర 95 డాలర్లుగా ఉండగా.. ఇప్పుడు అది 125 డాలర్లకు చేరింది. దాంతో పెట్రోల్ పై సుమారు రూ.15, డీజిల్ పై రూ.22 పెరగవచ్చని తెలుస్తోంది. తెలంగాణ రాజధాని హైదరాబాద్‌లో లీటర్ పెట్రోల్ ధర రూ. 108.20గా ఉంది. ఇదే సమయంలో లీటర్ డీజిల్ ధర రూ.94.62గా ఉంది. విజయవాడలో లీటర్ పెట్రోల్ రూ.110.51కు లభిస్తుండగా.. లీటర్ డీజిల్ ధర రూ.96.59లకు లభిస్తోంది. విశాఖపట్నంలో పెట్రోల్ ధర రూ.109.21 ఉండగా.. డీజిల్ ధర రూ. 95.33గా ఉంది. పెట్రోల్ డీజిల్ రేట్లు పెరిగితే.. వచ్చే నెల రోజుల్లో లీటరు పెట్రోల్ ధర రూ.150-రూ.155 వరకూ పెరగవచ్చని సంకేతాలొస్తున్నాయ్.