ఎవరికి ఓటు వేయాలో చెప్పిన వెంకయ్య

పార్టీ మారిన నేతలు ఆ పార్టీకి, పదవులకు రాజీనామా చేసి తర్వాత వేరే పార్టీలో చేరాలని మాజీ ఉప రాష్ట్రపతి వెంకయ్యనాయుడు అన్నారు. పార్టీ మారకుండా ఆ పార్టీపై విమర్శలు చేయడం మంచి పద్ధతి కాదని ఆయన హితవు పలికారు. పదవికి రాజీనామా చేసి ఏ పార్టీలోనయినా చేరవచ్చన్న వెంకయ్యనాయుడు ఆ పదవిలో కొనసాగుతూ విమర్శలు చేయడం మంచిది కాదన్నారు. పద్మవిభూషణ్ తీసుకున్న సందర్భంగా ఢిల్లీ మీడియా సత్కరించిన సందర్భంలో ఆయన మాట్లాడుతూ రాజీనామాలు చేయకుండా పార్టీలు మారడం మంచి సంప్రదాయం కాదన్నారు. యాంటీ డిఫెక్షన్ బిల్ ను బలోపేతం చేయాలన్నారు.