Exit Polls : ఎన్డీఏకే అవకాశాలు... మళ్లీ మోదీ ప్రధాని కావడం ఖాయమట
ఎగ్జిట్ పోల్స్ అంచనాలు ఎన్డీయేకు అనుకూలంగా వచ్చాయి. మూడోసారి ప్రధానిగా మోదీ అవుతున్నారని తేల్చి చెప్పాయి
![Exit Polls : ఎన్డీఏకే అవకాశాలు... మళ్లీ మోదీ ప్రధాని కావడం ఖాయమట Exit Polls : ఎన్డీఏకే అవకాశాలు... మళ్లీ మోదీ ప్రధాని కావడం ఖాయమట](https://www.telugupost.com/h-upload/2024/06/02/1627413-my.webp)
ఎగ్జిట్ పోల్స్ అంచనాలు ఎన్డీయేకు అనుకూలంగా వచ్చాయి. మూడోసారి ప్రధానిగా మోదీ అవుతున్నారని తేల్చి చెప్పాయి. సాధారణంగా కొన్ని సంస్థలు ఇచ్చే ఎగ్జిట్ పోల్స్ కు కొంత క్రెడిబిలిటీ ఉంది. ఏ రాజకీయ పార్టీకి చెందిన సంస్థలు కాకపోవడంతో పాటు ఖచ్చితమైన ఫలితాలను ప్రజలకు అసలు ఫలితాలను రాకముందే ఇచ్చి తమ సంస్థ పేరు ప్రతిష్టలను మరింతగా ప్రజల్లోకి తీసుకెళ్లేందుకు ఉపయోగించుకునేందుకు ఈ ఎగ్జిట్ పోల్స్ ఉపయోగపడతాయి. అందుకే అందరూ కొన్ని సంస్థలు ఇచ్చే ఎగ్జిట్ ఫలితాలు రాబోయే ఎన్నికల ఫలితాలకు దగ్గరగా ఉంటాయని అంచనా వేసుకోవడానికి వీలవుతుంది. అందులో ముఖ్యమైన మరో జాతీయ మీడియా సంస్థ ఏంటంటే మై యాక్సిస్ - ఇండియా టుడే సంస్థ 2019 ఎన్నికల సందర్భంగా ఎగ్జిట్ పోల్స్ లో ఏం చెప్పిందంటే? 2019 ఎన్నికల్లో ఇండియా టుడే - మై యాక్సిస్ సంస్థ ఆంధ్రప్రదేశ్ లో వైసీపీకి 130 నుంచి 135 స్థానాలు వస్తాయని చెప్పింది. టీడీపీకి 37 నుంచి నలభై స్థానాలు దక్కే అవకాశముందని తెలిపింది. అయితే 151 స్థానాలు వైసీపీకి, 23 స్థానాలు టీడీపీకి దక్కాయి.