రైల్లో భారీ అగ్ని ప్రమాదం 9 మంది మృతి
తమిళనాడులోని మధురై రైల్వే స్టేషన్కు 1కిమీ దూరంలో ఉండగా, ఉదయం 5.30 లకు భారీ అగ్ని ప్రమాదం జరిగింది.
రైల్లో భారీ అగ్ని ప్రమాదం 9 మంది మృతి
తమిళనాడులోని మధురై రైల్వే స్టేషన్కు 1కిమీ దూరంలో ఉండగా, ఉదయం 5.30 లకు భారీ అగ్ని ప్రమాదం జరిగింది. యూపీ నుంచి తమిళనాడుకు వచ్చిన యాత్రికుల బృందం, రైలు ఆగి ఉన్న సమయంలో బోగీలో టీ పెట్టుకుంటుండగా మంటలు చెలరేగాయి. దీంతో ప్రయాణీకులంతా బయటకు పరుగులు తీశారు. మీడియా రిపోర్టుల ప్రకారం యూపీ, లక్నోల నుంచి 65 మంది తీర్థ యాత్రలకు బయలు దేరి తమిళనాడుకు వచ్చారు. వీరంతా శుక్రవారం నాగర్ కోయల్ లో పద్మనాభ స్వామి దర్శనానికి వెళ్లి, శనివారం ఉదయం మధురై వచ్చారు. వారిలో ఐదుగురి జాడ తెలియడం లేదు. బ్యాగులన్నీ కాలిపోవడంతో కట్టుబట్టలతో మిగిలాం అని వారు చెబుతున్నారు. ఇప్పటివరకు 9 మృత దేహాలను వెలికి తీయగా, వారిలో ముగ్గురు మహిళలు, ఆరుగురు పురుషులు ఉన్నారు. మరో 8 మంది సమీప ఆసుపత్రిలో చికిత్స పొందుతున్నారని,ఈదుర్ఘటనపై దర్యాప్తు జరుపుతున్నామని పోలీసులు తెలిపారు.
