బూస్టర్ డోస్ ఉచితంగానే..!

18 ఏళ్లు పైబడ్డ వారందరికీ ఈ ప్రికాషన్‌ డోసును ఉచితంగా అందించనున్నట్లు కేంద్ర కేబినేట్‌ తెలిపింది. అర్హులైన వారు అన్ని ప్రాథమిక ఆరోగ్య కేంద్రాల్లోనూ ఈ బూస్టర డోసును పొందవచ్చని కేంద్ర మంత్రి అనురాగ్‌ ఠాకూర్‌ తెలిపారు. ఈ నెల 15 నుంచి 75 రోజుల పాటు 18- 59 ఏళ్లున్న వారందరికీ ఉచితంగా బూస్టర్‌ డోసు అందించనున్నట్లు తెలిపారు. కరోనా మహమ్మారిని అరికట్టడంలో భాగంగా ఈ కీలక నిర్ణయం తీసుకన్నట్లు మంత్రి అనురాగ్‌ ఠాకూర్‌ తెలిపారు. దేశంలో కరోనా వ్యాక్సినేషన్‌కు అర్హులైన వారిలో 96శాతం మంది ఒకడోసు తీసుకోగా.. 87శాతం మంది రెండు డోసులు పొందారు. బూస్టర్ డోస్ ను తీసుకోడానికి ప్రజలు పెద్దగా ఆసక్తి చూపడం లేదు. దీంతో ఉచితంగా పంపిణీ చేస్తే బూస్టర్ డోస్ తీసుకునే వారి సంఖ్య కూడా పెరగనుంది.