చత్తీస్ ఘడ్ లో భారీ ఎన్ కౌంటర్.. పది మంది మావోల మృతి

భద్రతా సిబ్బంది మావోయిస్టుల కోసం గాలిస్తుండగా వారు ఎదురుపడటంతో కాల్పులు ప్రారంభమయినట్లు చెబుతున్నారు. ఒడిశా సరిహద్దులు దాటి ఛత్తీస్ ఘడ్ అడవుల్లోకి మావోయిస్టులు ప్రవేశించారన్న పక్కా సమాచారంతో భద్రతా దళాలు గాలింపు చర్యలు చేపట్టాయి. అయితే భద్రతా దళాలను చూసిన మావోయిస్టులు ఒక్కసారిగా వారిపై కాల్పులు జరపడంతో భద్రతాదళాలు కూడా ఎదురుకాల్పులకు దిగాయి. ఈ ఘటనలో పది మంది మావోయిస్టులు మృతి చెందినట్లు ఇప్పటి వరకూ అందిన సమాచారాన్ని బట్టి తెలుస్తుంది. మృతుల సంఖ్య మరింత పెరిగే అవకాశముంది. మృతి చెందిన మావోయిస్టులు ఎవరనేది పోలీసులు ఇంకా అధికారికంగా ప్రకటించలేదు.