రేపే రాష్ట్రపతి భవన్ లో పెళ్లి వేడుక.. ఎవరిదంటే?

మధ్యప్రదేశ్‌లోని గ్వాలియర్‌కు చెందిన పూనమ్‌గుప్తా 2018 యూపీఎస్సీ సెంట్రల్‌ ఆర్మ్‌డ్‌ పోలీస్‌ ఫోర్సెస్‌ విభాగంలో 81వ ర్యాంకు సాధించారు. ఆ తర్వాత రాష్ట్రపతి పీఎస్‌ఓగా బాధ్యతలు చేపట్టారు. జమ్మూకశ్మీర్‌లో సీఆర్‌పీఎఫ్‌ అసిస్టెంట్‌ కమాండెంట్‌గా ఉన్న అవ్‌నీశ్‌ కుమార్‌తో ఈమె వివాహం నిశ్చయమైంది. రాష్ట్రపతి భవన్‌లో పెళ్లి చేసుకోవాలనేది తన చిరకాల కోరిక అని.. నా కోరికను మీరు తీరుస్తారని రాష్ట్రపతికి లేఖ రాశారు పూనమ్. రాష్ట్రపతి ముర్ము సానుకూలంగా స్పందించడంతో అంగరంగ వైభవంగా ఈ పెళ్లి జరగనుంది. ఈ వేడుక అతి కొద్ది మంది సమక్షంలో జరగనుంది. విధి నిర్వహణలో చూపిన నిబద్ధత, అంకితభావంతోనే రాష్ట్రపతి ద్రౌపదీ ముర్ము మనసు గెలుచుకుంది పూనమ్‌. దీంతో పూనమ్‌ కోరిక మేరకు రాష్ట్రపతి భవన్‌లో వివాహం చేసుకునేందుకు రాష్ట్రపతి అనుమతిచ్చారు. పెళ్లికి ముందే పూనమ్ కు జీవితాంతం మర్చిపోలేని కానుకను అందించారు ముర్ము. ఫిబ్రవరి 12న మదర్‌ థెరిసా క్రౌన్‌ కాంప్లెక్స్‌లో తన కుటుంబ సభ్యులు, అతి కొద్దిమంది బంధువుల సమక్షంలో వివాహం జరగనుంది.