తొమ్మిది నెలల పాపలో బర్డ్ ఫ్లూ

మనుషులకు బర్డ్ ఫ్లూ చాలా అరుదుగా సోకుతూ ఉంటుంది. అయితే ఇది అత్యంత అరుదుగా జరుగుతూ ఉంటుంది. జార్ఖండ్ రాష్ట్రంలో తొమ్మిది నెలల పాపలో బర్డ్ ఫ్లూ సోకడం కలకలం రేపింది. రామ్‌గఢ్ జిల్లాకు చెందిన శిశువును జ్వరం, దగ్గు మరియు శ్వాసకోశ సమస్యల లక్షణాలతో రిమ్స్‌లో చేర్పించారు. శిశువుకు సంబంధించిన కొన్ని శాంపుల్స్.. జెనెటిక్స్, జెనోమిక్స్ విభాగానికి పంపారు. ఇది బర్డ్ ఫ్లూగా నిర్ధారించారని పీడియాట్రిక్స్ విభాగానికి చెందిన డాక్టర్ రాజీవ్ మిశ్రా తెలిపారు. ‘‘ఆసుపత్రిలో ఏడాదిలో ఇదే తొలి బర్డ్ ఫ్లూ కేసు. శిశువు ప్రత్యేక యూనిట్‌లో చికిత్స పొందుతోంది, ” అని డాక్టర్ రాజీవ్ మిశ్రా చెప్పారు. కోవిడ్-19 వంటి జాగ్రత్తలు తీసుకున్నామని, శిశువు ఇతరుల నుండి వేరుగా ఉందని మిశ్రా చెప్పారు. పాపకు ఎలా సోకిందా అని ఆరాతీస్తున్నారు అధికారులు.