పోస్ట్ కోవిడ్ తర్వాత కూడా.. ఊపిరితిత్తుల్లో సమస్యలు?

పోస్ట్ కోవిడ్ తర్వాత.. పలువురు శ్వాస తీసుకోవడంలో ఇబ్బంది పడుతున్నట్లు గుర్తించామన్నారు. అయితే అది అలసట వల్ల జరుగుతోందా లేక కరోనా కారణంగా శ్వాస పోకడలో జరిగిన మార్పుల వల్ల జరుగుతుందా అన్న విషయంలో ఇంకా స్పష్టత రాలేదని తెలిపారు. ఈ విషయంపై నిగ్గు తేల్చేందుకు బ్రిటన్‌లోని ఆక్స్‌ఫర్డ్ విశ్వవిద్యాలయ ఆస్పత్రికి చెందిన ఎన్‌హెచ్ఎస్ ఫౌండేషన్ ట్రస్ట్ శాస్త్రవేత్తలు పరిశోధనలు చేశారు. బాధితుల ఊపిరితిత్తుల్లో లోపాలను పరిశీలించేందుకు వినూత్నంగా జెనాన్ గ్యాస్ స్కాన్ విధానాన్ని ప్రయోగించారు. దీంతో అసలు లోపం బయటపడింది. బాధితుల ఊపిరితిత్తుల్లో వాయు మార్పిడి సాఫీగా సాగడం లేదని వెల్లడైంది. దీనికి గల కారణాలను వైద్యులు నిర్ధారిస్తే కావాల్సిన చికిత్సలు చేయించుకోవడానికి వీలవుతుందని పరిశోధకులు అభిప్రాయపడ్డారు.