ప్రభుత్వ ఆస్పత్రిలో ఒకే రోజు 24 మంది మృతి.. వీరిలో 12 మంది శిశువులు

మహారాష్ట్రలో దారుణం చోటు చేసుకుంది. ప్రభుత్వ ఆస్పత్రిలో మృత్యు ఘోష వినిపిస్తోంది. రాష్ట్రంలోని నాందేడ్‌ ప్రభుత్వ ఆస్పత్రిలో ఒక రోజు 24 మంది మృతి చెందడం తీవ్ర కలకలం రేపుతోంది. మృతుల్లో 12 మంది నవజాత శిశువులు ఉండటం మరింత ఆందోళన కలిగిస్తోంది. అయితే ప్రభుత్వ ఆస్పత్రిలో సరైన మందులు లేకపోవడం, తగిన సిబ్బంది కొరత కారణమని తెలుస్తోంది. గడిచిన 24 గంటల్లో 24 మంది మృతి చెందగా, అందులో 12 మంది పాము కాటు, ఇతర వ్యాధుల కారణంగా మృతి చెందినట్లు ఆస్పత్రి డీన్‌ శంకర్‌రావు తెలిపారు. ఇంత మంది మృతిపై విపక్షాలు తీవ్రస్థాయిలో విరుచుకుపడుతున్నాయి. ప్రభుత్వమే ఈ మరణాలకు బాధ్యత వహించాలని ప్రతిపక్షాలు ఆరోపిస్తున్నాయి.