Karthika Masam : కార్తీక మాసంలో చేయకూడని పనులు ఏవంటే?

శివాలయాలన్నీ...

ఈ నెల 20వ తేదీన తొలి కార్తీక సోమవారం కావడంతో శివాలయాలు భక్తులతో కిటికిటలాడనున్నాయి. ఈ నెల 14వ తేదీన నాగుల చవితి పండగను కూడా తెలుగు రాష్ట్రాల్లో భక్తులు అత్యంత భక్తి శ్రద్ధలతో పూజలు నిర్వహిస్తారు. పాముల పుట్టలో పాలు పోసి తమ కోర్కెలు తీరాలని కోరుకుంటారు. మొక్కులు చెల్లించుకుంటారు. నెల రోజుల పాటు అత్యంత నియమ నిష్టలతో శివుడిని ప్రార్థిస్తుండటం సంప్రదాయంగా వస్తున్న ఆచారం. ఆరోజుల్లో చేయకూడని పనులు కొన్ని ఉన్నాయి. వాటిని పదే పదే పండితులు కార్తీక మాసం సందర్భంగా ఏర్పాటు చేసిన కార్యక్రమల్లో చెబుతూనే ఉంటారు. నియమ నిష్టలతో శివుడిని ఆరాధిస్తేనే కోరుకున్న ఫలితం దక్కుతుందని చెబుతారు.

కార్తీక మాసంలో శివుడిని ప్రార్థించే భక్తులు కేవలం శాఖాహారం మాత్రమే తీసుకోవాలి. మాంసాహారం జోలికి నెలరోజులు వెళ్లకూడదు. అనాధలకు, పేద పిల్లలకు చలికాలం కావడంతో స్వెట్లర్లు, దుప్పట్లు వంటివి పంపిణీ చేయడం మేలైన పని అని చెబుతారు. దానధర్మాలన్నింటినీ గోప్యంగా నిర్వహించాలంటారు. ఇక ఉల్లి, మద్యం, మాసం వంటి వాటికి దూరంగా ఉండాల్సిందే. నిత్యం దీపారాధనలు చేయాలి. నువ్వుల నూనెతో వెలిగించే దీపం ఇంటికి అష్టైశ్యర్యాలతో పాటు కుటుంబ సభ్యులకు ఆరోగ్యం కలిగిస్తుందన్నది నమ్మిక.

ఈ కార్తీక మాసం నెలరోజులు నలుగు పెట్టుకుని స్నానమాచరించవద్దని సూచిస్తారు. ఈ మాసానికి అత్యంత ప్రాముఖ్యత ఉంది. పురాణలు కూడా ఇవే చెబుతున్నాయి. కార్తీక మాసం శ్రీమహా విష్ణువు, శివుడికి అత్యంత ప్రీతిపాత్రమైన మాసం కావడంతో విశ్వాసమున్న వారు భక్తితో ధ్యానించాలి. అంతే తప్ప దైవ ధూషణ తగదంటారు. ఈరోజు ప్రారంభమైన కార్తీక మాసం డిసెంబరు 13వ తేదీతో ముగియనుంది. ఎక్కువ మంది తెలుగు రాష్ట్రాల్లో భక్తులు ఈ మాసంలో దైవారాధన మధ్య గడుపుతారు. చలికాలం.. చన్నీటి స్నానం ఆలయ సందర్శనం.. సముద్ర స్నానం మంచిదన్న సూచనలు పండితులు చేస్తున్నారు.