ఆ విషయాల గురించి మాట్లాడుతున్నప్పుడు ఏడ్చేసిన ముఖేష్ అంబానీ

గుజరాత్‌లోని జామ్‌నగర్‌లో జరిగిన ప్రీ వెడ్డింగ్ ఈవెంట్‌లో అనంత్ అంబానీ తన ఆరోగ్య సమస్యల గురించి మాట్లాడాడు. ఆ సమయంలో రిలయన్స్ చైర్‌పర్సన్ ముఖేష్ అంబానీ కన్నీళ్లు పెట్టుకోవడం మనం గమనించవచ్చు. ముఖేష్అంబానీ చిన్న కుమారుడు అనంత్ అంబానీ, రాధికా మర్చంట్‌ల మూడు రోజుల గ్రాండ్ ప్రీ వెడ్డింగ్ ఈవెంట్ శుక్రవారం ప్రారంభమైంది. ఈ కార్యక్రమంలో అనంత్ అంబానీ మాట్లాడుతూ.. తనను ప్రత్యేకంగా భావించినందుకు తన తల్లిదండ్రులకు కృతజ్ఞతలు తెలిపాడు. తన చిన్నతనంలో అనారోగ్యం కారణంగా తాను పడ్డ కష్టాల గురించి మాట్లాడాడు. ఆ సమయంలో ముఖేష్ అంబానీ భావోద్వేగానికి లోనవుతూ, కన్నీటి పర్యంతమయ్యారు.