లండన్ హైకోర్టులో నీరవ్ మోదీకి షాక్

పంజాబ్ నేషనల్ బ్యాంకును మోసగించి పరారయిన నీరవ్ మోదీని భారత్ కు రప్పించేందుకు అనేక రకాల ప్రయత్నాలు ప్రభుత్వం చేస్తుంది. 2018 లో పరారయిన నీరవ్ మోదీని భారత్ కు తీసుకువచ్చేందుకు ఎన్ని ప్రయత్నాలు చేసినా చట్టపరమైన ఇబ్బందులు ఎదురవుతున్నాయి. భారత ప్రభుత్వం చేసిన చర్యల వల్ల 2019లో నీరవ్ మోదీ లండన్ లో అరెస్టయ్యారు. తనను భారత్ కు అప్పగించ వద్దంటూ పలుమార్లు ఆయన న్యాయస్థానాలను ఆశ్రయించాడు. అయితే తాజాగా సుప్రీంకోర్టకు వెళ్లాలన్న ఆయన పిటీషన్ ను లండన్ హైకోర్టు కొట్టివేయడంతో భారత్ కు తీసుకువచ్చేందుకు కొంత సానుకూలత ఏర్పడినట్లేనని న్యాయనిపుణులు అభిప్రాయపడుతున్నారు.