తొమ్మిదోసారి ముఖ్యమంత్రిగా నితీష్‌ కుమార్‌

బీహార్‌ ముఖ్యమంత్రిగా తొమ్మిదోసారి నితీష్‌ కుమార్‌ ప్రమాణ స్వీకారం చేశారు. రాజ్‌భవన్‌లో నితీష్‌ కుమార్‌తో గవర్నర్ రాజేంద్ర అర్లేకర్ ప్రమాణ స్వీకారం చేయించారు. తొమ్మిదోసారి సీఎంగా ప్రమాణం చేసి దేశంలోనే నితీష్ సరికొత్త రికార్డ్ క్రియేట్‌ చేశారు. బీహార్ ముఖ్యమంత్రిగా నితీష్ కుమార్ రాజ్ భవన్‌లో ఆదివారం రికార్డు స్థాయిలో తొమ్మిదోసారి ప్రమాణ స్వీకారం చేశారు. బీహార్ ఉప ముఖ్యమంత్రులుగా నితీశ్‌తో పాటు బీజేపీ నేతలు సామ్రాట్ చౌదరి, విజయ్ సిన్హా ప్రమాణ స్వీకారం చేశారు. జనతాదళ్ (యునైటెడ్) నాయకులు విజయ్ కుమార్ చౌదరి, బిజేంద్ర ప్రసాద్ యాదవ్, శ్రావన్ కుమార్ కూడా క్యాబినెట్ మంత్రులుగా ప్రమాణం చేశారు.