National creators award:'మినీ స్కర్ట్స్' గురించి వ్యాఖ్యలు చేసిన ప్రధాని మోదీ

"చాలా మంది ప్రజలు మినీ స్కర్ట్‌లను ఆధునికతకు చిహ్నంగా భావిస్తారని.. కానీ మీరు కోణార్క్‌కు వెళితే, శతాబ్దాల నాటి దేవాలయాలలో మినీ స్కర్టులు, వారి చేతుల్లో పర్సులు ధరించి ఉన్న విగ్రహాలను మీరు చూస్తారు." అని ప్రధాని మోదీ అన్నారు. ఢిల్లీలోని భారత్ మండపంలో జరిగిన తొలి నేషనల్ క్రియేటర్స్ అవార్డుల కార్యక్రమంలో ప్రధాని మోదీ ఈ వ్యాఖ్యలు చేశారు. అవార్డు గ్రహీతలలో 19 ఏళ్ల కంటెంట్ సృష్టికర్త జాన్వీ సింగ్ కూడా ఉన్నారు. జాన్వీ సింగ్‌కు హెరిటేజ్ ఫ్యాషన్ ఐకాన్ అవార్డును అందించిన తర్వాత నరేంద్ర మోదీ మాట్లాడుతూ.. కోణార్క్‌లోని సూర్య దేవాలయం వద్ద సమకాలీన ఫ్యాషన్ పోకడలు, పురాతన శిల్పాల మధ్య పోలికల గురించి ప్రధాన మంత్రి మాట్లాడారు. వందల ఏళ్ల క్రితమే ఆ శిల్పులకు కోణార్క్ లో అలాంటి వాటిని చెక్కారని.. ఫ్యాషన్‌ అంటే ఏమిటో అప్పటి వాళ్ళకే తెలుసునేమో అని ప్రధాని మోదీ వ్యాఖ్యానించారు.

ప్రధాని మోదీ రెడీమేడ్ దుస్తులను ఎంచుకునే ప్రస్తుత ట్రెండ్‌ గురించి కూడా మాట్లాడారు. అంతర్జాతీయ వేదికపై భారతీయ దుస్తులను మరింత బలంగా ప్రోత్సహించాలని పిలుపునిచ్చారు. గ్లోబల్ మార్కెట్‌లో భారతీయ ఫ్యాషన్‌కు మంచి అవకాశం ఉందని, భారతదేశ విశిష్ట సాంస్కృతిక గుర్తింపును ప్రపంచానికి చాటిచెప్పే సంప్రదాయ దుస్తులపై మళ్లీ దృష్టి పెట్టాలని సూచించారు.