మోదీ పర్యటనలో భద్రత వైఫల్యంపై "సుప్రీం" కీలక నిర్ణయం

ఈ మేరకు సుప్రీంకోర్టు రిటైర్డ్ జడ్జితో కమిటీని నియమిస్తున్నట్లు తెలిపింది. ఇందులో సభ్యులుగా చండీగడ్ డీజీపీ, ఎన్ఐఏ ఏజీ, పంజాబ్ హైకోర్టు రిజిస్ట్రార్ జనరల్, పంజాబ్ అడిషనల్ డీజీలు ఉంటారని పేర్కొంది. ఈ కమిటీయే జరిగిన ఘటన పై విచారణ జరుపుతుందని పేర్కొంది. కాగా మోదీ కాన్వాయ్ ఆగిపోవడానికి పంజాబ్ పోలీసుల వైఫల్యమేనని కేంద్ర ప్రభుత్వం వాదించింది. మోదీ కాన్వాయ్ కు వంద మీటర్ల దూరంలోనే ఆందోళనకారులు ఉన్నారని పేర్కొంది. కానీ పంజాబ్ ప్రభుత్వం మాత్రం దీనిని తిప్పికొట్టింది. ఎటువంటి వైఫల్యం లేదని, రాజకీయం చేసేందుకు చూస్తున్నారని పంజాబ్ ప్రభుత్వం తరుపున న్యాయవాది వాదించారు.