Mon Nov 18 2024 07:26:24 GMT+0000 (Coordinated Universal Time)
Rashmika Mandanna : రష్మిక పోస్టును చూసి మోదీ ఎలా రియాక్టయ్యారంటే?
హీరోయిన్ రష్మిక మందన్నా సోషల్ మీడియాలో చేసిన పోస్టుకు ప్రధాని నరేంద్ర మోదీ స్పందించారు
హీరోయిన్ రష్మిక మందన్న సౌత్ ఇండియాలోనే కాదు ఇప్పుడు బాలీవుడ్ లోనూ బిజీగా మారారు. మంచి పాపులారిటీ సంపాదించుకున్నారు. రష్మిక సినిమాలకు మంచి క్రేజ్ నార్త్ లోనూ ఉంటుంది. రష్మిక మందన్నా యానిమల్ సినిమాలో కనిపించి ఉత్తర భారతీయుల మనసును దోచుకుంది. ఇక పుష్ప సినిమా తో కూడా ఆమె మరింత పాపులర్ అయింది. రష్మిక మందన్నా అంటే ఇప్పుడు నార్త్ ఇండియాలో తెలియని వారు లేరు. బాలీవుడ్ లో మంచి అవకాశాలను కూడా సొంతం చేసుకుంటుంది.
అటల్ సేతు పై ప్రయాణిస్తూ...
అలాంటి రష్మిక మందన్నా సోషల్ మీడియాలోనూ యాక్టివ్ గా ఉంటారు. తాజాగా ఆమె అటల్ సేతుపై ప్రయాణించింది. ఆ వంతెన చూసి అబ్బురపడిన రష్మిక తాను ఫీలయిన విషయాన్ని వీడియో ద్వారా ఎక్స్ లో పోస్టు చేసింది. ఈ పోస్టు వైరల్ గా మారింది. గతంలో రెండు గంటలు పట్టే ప్రయాణానికి ఇప్పుడు కేవలం ఇరవై నిమిషాలు పడుతుందని తెలిపింది. అటల్ సేతు వారధి గురించి కూడా వివరించింది. సముద్రంపై 22 కిలోమీటర్ల పొడువున నిర్మించిన అటల్ సేతు ఇంజినీరింగ్ లోనే అద్భుతమని పేర్కొంది.
ప్రధాని స్పందిస్తూ...
ఎవరూ ఇప్పటి వరకూ దాని గురించి ఆలోచించలేదని ఇలాంటి మౌలిక సదుపాయాలను చూస్తే గర్వంగా ఉందని పేర్కొంది. పశ్చిమ భారత దేశం నుంచి తూర్పు భారత దేశం వరకూ ప్రజలను, హృదయాలను కలుపుతుందంటూ ఆమె ట్వీట్ చేసింది. రష్మిక మందన్నా ట్వీట్ కు ప్రధాని నరేంద్ర మోదీ రెస్పాండ్ అయ్యారు. రష్మిక పోస్టును తన ఎక్స్ లో ప్రధాని మోదీ పంచుకోవడమే కాకుండా ఖచ్చితంగా అని రాశారు. ప్రజలను కనెక్ట్ చేయడం, జీవితాలను మెరుగుపర్చడం కంటే సంతృప్తికరమైనది లేదని ప్రధాని పేర్కొన్నారు. ఇప్పుడు ఈ ట్వీట్ సోషల్ మీడియాలో వైరరల్ గా మారింది.
Next Story
