Ratan Tata succession: రతన్ టాటా సంపాదనకు వారసులు ఎవరంటే?

86 సంవత్సరాల వయస్సులో రతన్ టాటా మరణించారు. ఆయనకు పిల్లలు కూడా లేరు. అయితే రతన్ టాటా వారసత్వం గురించి పలు ఊహాగానాలకు దారితీసింది. 3,800 కోట్ల టాటా గ్రూప్ వ్యాపార సామ్రాజ్యాన్ని నిర్వహించడంలో ఆయన తర్వాతి స్థానంలో ఎవరు ఉంటారనే విషయంపై టాటా గ్రూప్ ఇప్పటికే వారసత్వ ప్రణాళికను ఏర్పాటు చేసింది. ఎన్.చంద్రశేఖరన్ 2017లో హోల్డింగ్ కంపెనీ అయిన టాటా సన్స్‌కి చైర్మన్ అయ్యారు. ఇతర కుటుంబ సభ్యులకు కూడా వ్యాపారంలోని వివిధ విభాగాలకు నాయకత్వం వహిస్తున్నారు.

నోయెల్ టాటా

నోయెల్ టాటాకు భవిష్యత్తులో టాటా గ్రూప్ అధ్యక్షా బాధ్యతలు లభించనున్నాయనే ఊహాగానాలు ఎక్కువగా వినిపిస్తూ ఉన్నాయి. నావల్ టాటా సిమోన్ డునోయర్‌ ను రెండవ వివాహం చేసుకున్నారు. రతన్ టాటాకు వరుసకు సోదరుడు అవుతారు నోయెల్ టాటా. అందుకే వారసత్వంలో నోయెల్ టాటాను కీలక వ్యక్తిగా ఉంచింది.

నోయెల్ టాటాకు ముగ్గురు పిల్లలు ఉన్నారు, వారు టాటా వారసత్వానికి వారసులు కావచ్చు. మాయ, నెవిల్లే, లేహ్ టాటాలు కీలకమైన పాత్రను ఇప్పటికే పోషిస్తూ ఉన్నారు.

మాయా టాటా:
34 ఏళ్ల మాయా టాటా టాటా గ్రూప్‌లో మంచి పేరు తెచ్చుకున్నారు. బేయస్ బిజినెస్ స్కూల్, యూనివర్సిటీ ఆఫ్ వార్విక్ లో విద్యాభ్యాసం చేసిన ఆమె టాటా ఆపర్చునిటీస్ ఫండ్, టాటా డిజిటల్‌లో కీలక పాత్రలు పోషించారు. టాటా న్యూ యాప్‌ను ప్రారంభించడంలో ఆమె వ్యూహాత్మక అంతర్దృష్టి, దార్శనికత కీలకంగా ఉన్నాయి.

నెవిల్లే టాటా:
నెవిల్లే టాటా, 32, కుటుంబ వ్యాపారంలో చురుకుగా నిమగ్నమై ఉన్నారు. టయోటా కిర్లోస్కర్ గ్రూప్ కు చెందిన మానసి కిర్లోస్కర్‌ని వివాహం చేసుకున్నారు. టాటా గ్రూప్‌లో భవిష్యత్ నాయకుడిగా అతని సామర్థ్యాన్ని హైలైట్ చేస్తూ ట్రెంట్ లిమిటెడ్ కింద ఒక ప్రసిద్ధ హైపర్‌మార్కెట్ చైన్ అయిన స్టార్ బజార్‌కు నెవిల్ నాయకత్వం వహిస్తున్నారు.

లియా టాటా:
39 సంవత్సరాల వయస్సు ఉన్న లియా టాటా, టాటా గ్రూప్‌లోని హాస్పిటాలిటీ రంగంలో ఉన్నారు. స్పెయిన్‌లోని IE బిజినెస్ స్కూల్‌లో గ్రాడ్యుయేట్ చేసిన ఆమె తాజ్ హోటల్స్ రిసార్ట్స్, ప్యాలెస్‌లకు సంబంధించిన విభాగంలో గణనీయమైన కృషి చేశారు. ప్రస్తుతం, ఆమె ఇండియన్ హోటల్ కంపెనీలో కార్యకలాపాలను పర్యవేక్షిస్తున్నారు. హాస్పిటాలిటీ పరిశ్రమలో టాటా గ్రూప్ ఉనికిని విస్తరించేందుకు కృషి చేస్తున్నారు.