రేపటి నుండి రూ.2వేల నోట్ల మార్పిడి.. ఆర్బీఐ గవర్నర్ కీలక వ్యాఖ్యలు

నోట్లను మార్చకుండా డిపాజిట్ చేయదలచిన వారు.. రూ.50,000 కంటే ఎక్కువ డిపాజిట్ ఉన్న నేపథ్యంలో పాన్ కార్డు జిరాక్స్ ను తప్పనిసరిగా జతచేయాలని తెలిపారు. ప్రస్తుతం బ్యాంకుల్లో డిపాజిట్లకు ఉన్న నియమ, నిబంధనలు రూ.2000 నోట్లు డిపాజిట్ల విషయంలోనూ వర్తిస్తుందని స్పష్టం చేశారు. పెద్దమొత్తంలో జరిగే డిపాజిట్ల గురించి ఇన్ కం ట్యాక్స్ అధికారులు చూసుకుంటారని తెలిపారు. కాగా.. నోట్ల మార్పిడికి ఎలాంటి ఫారమ్ లు ఉండబోవన్న ఆయన.. ఎలాంటి రుసుము కూడా చెల్లించనక్కర్లేదని చెప్పారు. నోట్ల మార్పిడికి, డిపాజిట్ కు ప్రజలు ఎక్కువ సంఖ్యలో వచ్చే అవకాశం ఉన్న నేపథ్యంలో బ్యాంకులు టెంట్లు ఏర్పాటు చేయాలని సూచించారు. రూ.1000 నోట్లను మళ్లీ చలామణిలోకి తీసుకువస్తున్నట్లు వస్తోన్న వార్తల్లో ఎలాంటి నిజం లేదని, అలాంటి వాటిని ప్రజలు నమ్మొద్దని తెలిపారు.