Supreme Court : ఎస్‌బీఐకి షాకిచ్చిన సుప్రీంకోర్టు

ఎలక్ట్రోరల్ బాండ్ల వివరాలను వెల్లడించేందుకు జూన్ 30వ తేదీ వరకూ గడువు పొడిగించాలని ఎస్‌బీఐ దాఖలు చేసిన పిటీషన్ ను కొట్టివేసింది. ఎలక్ట్రోరల్ బాండ్ల పధకాన్ని గత నెల 15వ తేదీన సుప్రీంకోర్టు రద్దే చేసిన సంగతి తెలిసిందే. రాజకీయ పార్టీలకు వివిధ సంస్థల నుంచి అందిన విరాళాల వివరాలను ఈ నెల 6వ తేదీలోగా అందించాలని ఎస్‌బీఐని సుప్రీం ఆదేశించిన నేపథ్యంలో మరింత గడువు కావాలని ఎస్‌బీఐ కోరాగా అందుకు న్యాయస్థానం తిరస్కరించింది. విరాళాల వివరాలను ఈ నెల 12వ తేదీ సాయంత్రం లోపు ఎన్నికల కమిషన్ కు అందచేయాలని, ఎన్నికల కమిషన్ ఆ వివరాలను వెల్లడించాలని సుప్రీంకోర్టు ధర్మాసనం పేర్కొంది.