Tirumala : తిరుమలలో రష్ తగ్గలేదుగా.. మంగళవారం కూడా.. పెళ్లిళ్ల సీజన్ వల్లనేనా?

దర్శనానికి...

దీంతో పాటు శ్రావణమాసంలో పెళ్లిళ్లు జరుగుతుండటంతో కొత్త జంటలు కూడా స్వామి వారిని దర్శించుకుని ఆశీస్సులు తీసుకునేందుకు వస్తున్నారని అధికారులు చెబుతున్నారు. పెళ్లిళ్లు, శుభకార్యాలు చేసుకున్న వారు నేరుగా తిరుమల శ్రీవారిని దర్శించుకుంటున్నారని అధికారులు తెలిపారు. ఈరోజు తిరుమలలోని వైకుంఠం క్యూ కాంప్లెక్స్ లోని ఇరవై రెండు కంపార్ట్‌మెంట్లలో భక్తులు శ్రీవారి దర్శనం కోసం వేచిఉన్నారు. ఉచిత దర్శనం క్యూ లైన్ లోకి ఉదయం టోకెన్లు లేకుండా ప్రవేశించిన భక్తులకు శ్రీవారి దర్శనం పద్దెనిమిది గంటల సమయం పడుతుందని తిరుమల తిరుపతి దేవస్థానం అధికారులు తెలిపారు. టైమ్ స్లాట్ దర్శనం భక్తులకు శ్రీవారి దర్శనం ఐదు గంటల సమయం పడుతుండగా, మూడు వందల రూపాయల ప్రత్యేక దర్శనం టిక్కెట్లు కొనుగోలు చేసిన భక్తులకు శ్రీవారి దర్శనం నాలుగు నుంచి ఐదు గంటల సమయం పడుతుంది. నిన్న తిరుమల శ్రీవారిని 71,595 మంది భక్తులు దర్శించుకున్నారు. వీరిలో 28,981 మంది భక్తులు తలనీలాలను సమర్పించి మొక్కులు చెల్లించుకున్నారు. నిన్న తిరుమల శ్రీవారి హుండీ ఆదాయం 3.89 కోట్ల రూపాయలు వచ్చిందని అధికారులు తెలిపారు