ప్రియమైన బంగారం.. మీకు దగ్గరగా

బంగారం మహా ప్రియం. ఎప్పటికప్పుడు ధరలు పెరుగుతూనే ఉంటాయి. అందుకే బంగారంపై పెట్టిన పెట్టుబడి ఎక్కడికీ పోదు అన్నది మహిళలు చెప్పే మాట. గతంలో బంగారం కొనుగోలు చేయాలంటే కష్టమయ్యేది. ఒకేసారి డబ్బులు మొత్తం చెల్లించి కొనుగోలు చేయాల్సి వచ్చేది. కాని ఈరోజుల్లో అలా కాదు. గోల్డ్ స్కీమ్ లతో ఇంటి ముందుకు అనేక షాపులు వచ్చేశాయి. ఊరిచ్చేస్తున్నాయ్. మనం ఏది కొనుక్కోవాలనుకున్నా ప్రతి నెల ఇంత మొత్తం చెల్లిస్తే చాలు. ఏడాదికి ఆ బంగారు ఆభరణం మీ పరమవుతుంది. అప్పటి ధర మేరకు ఆభరణాన్ని మీకు ఇస్తారు. ఇలా బంగారం వినియోగం పెరిగింది. కొనుగోళ్లు పెరిగాయి. కేంద్ర బ్యాంకుల వద్ద నిల్వలు, ద్రవ్యోల్బణం, డాలర్ తో రూపాయి తగ్గుదల, అంతర్జాతీయ మార్కెట్ లో ఒడిదుడుకులు వంటి కారణాలతో బంగారం ధరల్లో మార్పులు చోటు చేసుకుంటాయని మార్కెట్ నిపుణులు చెబుతుంటారు.