చితికిపోతున్న టమాటా రైతు

పదిహేను రోజుల క్రితం వరకూ టమాటా ధర ఆకాశాన్నంటింది. బాక్సు టమాటా ధర వేలల్లో పలికింది. కొందరు టమాటా రైతులు ఒక్క పంటతోనే కోటీశ్వరులయ్యారు. టమాటా దొంగతనాలు కూడా జరిగాయి. టమాటాలకు కాపలాగా బౌన్సర్లను కూడా నియమించుకోవాల్సిన పరిస్థితి మొన్నటి వరకూ ఉండేది. అయితే ఇప్పుడు దేశ వ్యాప్తంగా దిగుబడి ఎక్కువగా రావడంతో టమాటా ధర ఒక్కసారి నేల చూపులు చూస్తుంది. బయట మార్కెట్ లో కేజీ టమాటా ధర పదిహేను రూపాయలే పలుకుతుంది. ఈ ధరలు మరింత పతనమయ్యే అవకాశాలున్నాయని తెలిసింది. ఎగుమతులు కూడా నిలిచిపోవడంతో టమాటా రైతులు తీవ్రంగా నష్టపోతున్నారు.