గుజ‌రాత్ గొంతెండుతోంది.. ఇది ట్రబుల్ ఇంజన్ పాలన !

హైదరాబాద్ : టీఆర్ ఎస్‌, బీజేపీ, కాంగ్రెస్ మ‌ధ్య గ‌త కొంత కాలంగా ట్విట్ట‌ర్ వార్ జ‌రుగుతున్న విష‌యంతో తెలిసిందే. మొన్న రాహుల్ గాంధీ తెలంగాణకు వ‌స్తున్న స‌మ‌యంలో కాంగ్రెస్‌, టీఆర్ఎస్ ల ట్విట్ట‌ర్ లో ఒక చిన్న‌పాటి యుద్ధమే జ‌రిగింద‌ని చెప్ప‌వ‌చ్చు. టీఆర్ఎస్ విమ‌ర్శ‌లు వ‌ర్షం కురిపిస్తే, కాంగ్రెస్ సైతం అదేరీతిలో స్ట్రాంగ్ గానే బ‌దులిచ్చింది. ఇప్పుడు తాజాగా మోదీ స్వ‌రాష్ట్రంలోనే నీటి క‌ష్టాలు ఉన్నాయంటూ రాష్ట్ర ప్ర‌భుత్వ విప్ బాల్క సుమ‌న్ బీజేపీ పాల‌న‌పై మండిప‌డ్డారు. భారత దేశ ప్రధాని నరేంద్ర మోడీ స్వరాష్ట్రం గుజరాత్ లో ప్రజలు గుక్కెడు నీళ్ల కోసం నానా తంటాలు పడుతున్నారని తన ట్విట్టర్ లో ఓ ఫోటో షేర్ చేశారు.