విజృంభిస్తోన్న టైప్ 2 డెంగ్యూ.. 4 రోజుల్లో ఐదుగురి మృతి

గత నెలలో డెంగ్యూ కారణంగా 23 మంది మరణించినట్లు అనుమానం వ్యక్తం చేశారు. అయితే.. ఆరోగ్యశాఖ లెక్కల ప్రకారం.. ఇప్పటివరకూ డెంగ్యూ జ్వరంతో 10 మరణాలే నమోదయ్యాయి. జ్వరంతో మరణించేవారి సంఖ్య పెరుగుతున్న నేపథ్యంలో కేరళ ప్రభుత్వం అప్రమత్తమైంది. టైప్ 2 డెంగ్యూ కేసులు పేరుతున్న నేపథ్యంలో కొల్లం, కోజికోడ్ జిల్లాలను డెంగ్యూ హాట్‌స్పాట్‌లుగా గుర్తించినట్లు అధికారులు పేర్కొన్నారు. ఆయా ప్రాంతాల్లో డెంగ్యూ నిర్థారణ పరీక్షలను వేగవంతం చేశారు. కాగా.. ఈ ఏడాది జనవరి నుంచి ఇప్పటి వరకూ రాష్ట్రంలో 3,409 కేసులు నమోదవ్వగా.. మరో 10,038 అనుమానిత జ్వర కేసుల్ని గుర్తించినట్లు అధికారులు తెలిపారు. డెంగ్యూనే కాకుండా ర్యాట్ ఫీవర్, స్క్రబ్ టైఫస్ వంటి సీజనల్ జ్వరాలు, వ్యాధులు కూడా నిర్ధారణ అవుతుండటం కేరళ ప్రజలకు కంటిమీద కనుకులేకుండా చేస్తోంది. జ్వరాలు పెరుగుతున్న నేపథ్యంలో ప్రజలు జాగ్రత్తగా ఉండాలని, ముఖ్యంగా పిల్లల విషయం జాగ్రత్త తీసుకోవాలని సూచించారు.