ఇతడు పోలీసులా నటించి.. ఎంతో మందిని మోసం చేస్తూ

ఫిరోజాబాద్ పోలీసులు మాట్లాడుతూ 'ముఖేష్ యాదవ్ అనే ఉత్తరప్రదేశ్ కు చెందిన వ్యక్తి టోల్ ట్యాక్స్ చెల్లించకుండా పోలీసు వేషంలో తిరుగుతూ ఉన్నాడని గుర్తించాం. పోలీసు యూనిఫాం ధరించి అతడు అనుమానాస్పదంగా కనిపించాడు. పలువురి దగ్గర డబ్బులు వసూలు చేయడం మొదలుపెట్టాడు. అసలైన పోలీసులు అతడిని అదుపులోకి తీసుకుని ప్రశ్నించగా.. తాను పోలీసులా నటించానని ఆ వ్యక్తి అంగీకరించాడు.' అని తెలిపారు. లా ఎన్‌ఫోర్స్‌మెంట్ ఏజెన్సీ ప్రకారం, తుండ్ల పోలీస్ స్టేషన్ అధికారులు ముఖేష్‌ను అరెస్టు చేశారు. నకిలీ ఆధార్ కార్డ్, నకిలీ పోలీసు ఐడి కార్డ్‌తో సహా నకిలీ గుర్తింపు రుజువులను స్వాధీనం చేసుకున్నారు. ప్రస్తుతం అతడి ఫోటో సోషల్ మీడియాలో వైరల్ అవుతూ ఉంది.