మెట్రోలో యువతుల పోల్ డ్యాన్స్.. వీడియో వైరల్

ఢిల్లీ మెట్రో.. చిత్ర, విచిత్ర వీడియోలకు కేరాఫ్‌గా నిలుస్తోంది. లవర్స్‌ కిస్‌ చేసుకోవడం, ప్యాసింజర్స్‌ గొడవ పెట్టుకోవడం, ఫ్రాంక్‌లు.. ఇలా ఎంటర్‌టైన్మెంట్‌కు అడ్డాగా మారింది. ఇప్పటికే ఢిల్లీ మెట్రలో జరిగిన వింత, విచిత్ర ఘటనకు సంబంధించిన ఎన్నో వీడియోలు వైరల్‌గా మారాయి. అయితే ప్రస్తుతం వైరల్‌ అవుతున్న వీడియో మాత్రం కాస్తా డిఫరెంట్‌గా ఉంది. ఈ వీడియోలో ఇద్దరు యువతులు మెట్రోలో పోల్‌ డ్యాన్స్‌ చేశారు. హాట్ మూమెంట్స్‌తో రచ్చ లేపారు. శశి కపూర్, పర్వీన్ బాబీ నటించిన 'సుహాగ్' చిత్రంలోని 'మెయిన్ తో బేఘర్ హూన్' పాటకు ఇద్దరు యువతులు మెట్రో పోల్‌తో డ్యాన్స్ చేస్తూ కనిపించారు.

@HasnaZarooriHai అనే పేరు గల వెరిఫైడ్ ఖాతా ద్వారా ఈ వీడియోను ట్విట్టర్‌లో అప్‌లోడ్ చేశారు. అతను "ఢిల్లీ మెట్రోలో అశ్లీలత, ముద్దులు, ఫైటింగ్ తర్వాత.. తాజాది పోల్ డ్యాన్స్" అనే క్యాప్షన్‌ ఇచ్చి పోస్ట్ చేశారు. వీడియో విడుదలైన కొద్ది వ్యవధిలోనే నెటిజన్ల నుండి పెద్ద సంఖ్యలో లైక్‌లు, కామెంట్లు వచ్చాయి. ఓ నెటిజన్‌ "ఢిల్లీ మెట్రోకు నిజమైన చెక్-అప్ అవసరం, రీల్ క్రియేటర్స్‌కి ఇది కొత్త ప్రదేశంగా కనిపిస్తోంది" పేర్కొంటే.. మరో నెటిజన్‌ "ఢిల్లీ మెట్రో నా రోజువారీ వినోదం." అంటూ కామెంట్‌ చేశాడు.

ఇక మరో నెటిజన్‌ "ఢిల్లీ మెట్రో.. ప్రయాణీకుల నుండి వినోదపు పన్నుగా అదనంగా వసూలు చేయాలి" అని సూచించారు. ఇదిలా ఉండగా బుధవారం డెల్హు మెట్రోలో కన్వారియాలు డ్యాన్స్ చేస్తున్న వీడియో ఇంటర్నెట్‌లో ప్రత్యక్షమైంది. కన్వరియాలు శివుని భక్తులు. హిందువుల పవిత్రమైన శ్రావణ మాసంలో గంగా నది నుండి పవిత్ర జలాన్ని తీసుకురావడానికి వారు ఉత్తరాఖండ్‌లోని హరిద్వార్, గౌముఖ్, గంగోత్రి, బీహార్‌లోని సుల్తంగంజ్‌లను సందర్శిస్తారు. ఈ ఏడాది జూలై 4న కన్వర్ యాత్ర ప్రారంభమైంది.