Fact Check: ରତନ ଟାଟାଙ୍କ ପୋଷା କୁକୁର ଗୋଆର ମୃତ୍ୟୁ ଖବର ହେଉଛି ଗୁଜବ, ଜୀବିତ ଅଛି ଗୋଆ
ରତନ ଟାଟାଙ୍କ ପ୍ରିୟ ପୋଷା କୁକୁର 'ଗୋଆ' ସୁସ୍ଥ ଏବଂ ଜୀବିତ ଅଛି
Claim :
ରତନ ଟାଟାଙ୍କ ମୃତ୍ୟୁର ତିନିଦିନ ପରେ ତାଙ୍କ ପୋଷା କୁକୁର ଗୋଆର ମଧ୍ୟ ମୃତ୍ୟୁ ଘଟିଛିFact :
ଉକ୍ତ ଖବରରେ ନାହିଁ କୌଣସି ସତ୍ୟତା, ଜୀବିତ ଅଛି ରତନ ଟାଟାଙ୍କ ପୋଷା କୁକୁର ଗୋଆ
କୁକୁର ମାନଙ୍କ ପ୍ରତି ରତନ ଟାଟାଙ୍କର ଗଭୀର ଭଲ ପାଇବା ଥିଲା ଏବଂ ବିପଥଗାମୀ ପଶୁମାନଙ୍କ କଲ୍ୟାଣ ପାଇଁ ସେ କାର୍ଯ୍ୟ କରୁଥିଲେ । ସେ ପରିତ୍ୟକ୍ତ ଗୃହପାଳିତ ପଶୁମାନଙ୍କ କଲ୍ୟାଣ କରିବା ପାଇଁ ସର୍ବଦା ଉତ୍ସାହିତ ଥିଲେ । ତେବେ ରତନଙ୍କ ପ୍ରିୟ ପୋଷା କୁକୁର ଗୋଆ ପଛରେ ରହିଛି ଏକ ନିଆରା କାହାଣୀ । ରତନ ଟାଟା ଗୋଆରେ ଥିଲେ, ଯେତେବେଳେ ଏକ ବୁଲା କୁକୁର ତାଙ୍କ ସହିତ ଯିବା ଆରମ୍ଭ କଲା। ଏହାପରେ ସେ ତାକୁ ମୁମ୍ବାଇ ଆଣିବାକୁ ସ୍ଥିର କଲେ। ଶ୍ରୀ କୁକୁରଟିର ନାଁ ‘ଗୋଆ’ ରଖିଲେ ଏବଂ ଅନ୍ୟ ଭ୍ରମଣକାରୀ କୁକୁରମାନଙ୍କ ସହିତ ମୁମ୍ବାଇର ବମ୍ବେ ହାଉସରେ ରୁହନ୍ତି। ଆଇକୋନିକ ତାଜ୍ ହୋଟେଲ ପରି, ବମ୍ବେ ହାଉସରେ ବିପଥଗାମୀ କୁକୁରମାନଙ୍କୁ ସ୍ୱାଗତ କରାଯାଏ – ସହରର ଐତିହାସିକ କୋଠା ଯାହା ଟାଟା ଗ୍ରୁପ୍ ର ମୁଖ୍ୟ କାର୍ଯ୍ୟାଳୟ ଭାବରେ କାର୍ଯ୍ୟ କରେ। ଟାଟା ଇନଷ୍ଟାଗ୍ରାମରେ ‘ଗୋଆ’ ଏବଂ ଅନ୍ୟ କୁକୁରମାନଙ୍କ ସହ ତାଙ୍କର ଅନେକ ଫଟୋ ଶେୟାର କରିଛନ୍ତି ।
ମୃତ୍ୟୁ ପରେ ଟାଟାଙ୍କ ମୃତଦେହ ମୁମ୍ବାଇର ଏନସିପିଏ ଲନ୍ ବାହାରେ ତାଙ୍କର ଶେଷ ଦର୍ଶନ ପାଇଁ ରଖାଯାଇଥିଲା। ଏଠାରେ ରତନଙ୍କର ପ୍ରିୟ କୁକୁର ”ଗୋଆ” ଆସି ତାର ମାଲିକଙ୍କୁ ଶେଷ ସମ୍ମାନ ଜଣାଇଛି ।
ତେବେ ସୋସିଆଲ ମିଡିଆରେ ୟୁଜର୍ସ ଏକ କ୍ୟାପସନ ସହ କୁକୁରଟିର ଭିଡ଼ିଓ ସେୟାର କରିଥିଵାର ଦେଖା ଦେଇଛି । କ୍ୟାପସନରେ ଉଲ୍ଲେଖ ରହିଛି, Sad news... Tatas pet Dog GOA DIES AFTER 3 DAYS ..OF HIS DEATH .. That's why they say that Dogs are more faithful to their masters, than human beings!.
ଯାହାର ଓଡ଼ିଆ ଅର୍ଥ ହେଉଛି, ରତନ ଟାଟାଙ୍କ ମୃତ୍ୟୁ ପରେ ତାଙ୍କ ପୋଷା କୁକୁର ଗୋଆର ମଧ୍ୟ ମୃତ୍ୟୁ ଘଟିଛି । ସେଥିପାଇଁ ସିଏ କୁହନ୍ତି ଯେ କୁକୁରମାନେ ମଣିଷ ଅପେକ୍ଷା ନିଜ ମାଲିକମାନଙ୍କ ପ୍ରତି ଅଧିକ ବିଶ୍ୱସ୍ତ ଅଟନ୍ତି !
ସତ୍ୟାସତ୍ୟ:
ଦାବିରେ ନାହିଁ କୌଣସି ସତ୍ୟତା, ବିଭିନ୍ନ ଗଣମାଧ୍ୟମରେ ପ୍ରସାରିତ ଖବର ଅନୁଯାୟୀ, ଜୀବିତ ଅଛି ରତନ ଟାଟାଙ୍କ ପୋଷା କୁକୁର ଗୋଆ ।
ଯେତେବେଳେ ଆମେ ଟାଟାଙ୍କ ପୋଷା କୁକୁର ଗୋଆର ମୃତ୍ୟୁ ଖବର ନେଇ ସର୍ଚ୍ଚ କରିଥିଲୁ, India Times ରେ ପ୍ରସାରିତ ଏକ ଖବର ହସ୍ତଗତ ହୋଇଥିଲା । ପ୍ରସାରିତ ଖବର ଅନୁଯାୟୀ, After receiving the WhatsApp message claiming Goa's death, inspector Sudhir Kudalkar personally confirmed the dog's well-being with Ratan Tata's buddy, Shantanu Naidu. To Sudhir's question, Shantanu replied, "He (Goa) is OK; don't worry. Fake news."
ଯାହାର ଓଡ଼ିଆ ଅନୁବାଦ ହେଉଛି, ଗୋଆର ମୃତ୍ୟୁ ଦାବି ନେଇ ହ୍ଵାଟ୍ସଆପ ବାର୍ତ୍ତା ପାଇବା ପରେ ଇନ୍ସପେକ୍ଟର ସୁଧୀର କୁଦାଲକର ବ୍ୟକ୍ତିଗତ ଭାବେ ରତନ ଟାଟାଙ୍କ ବନ୍ଧୁ କୁହା ଯାଉଥିବା ଶାନ୍ତନୁ ନାଇଡୁଙ୍କ ସହ ଆଲୋଚନା କରିବାରୁ କୁକୁରଟିର ସୁସ୍ଥତା ଥିବାର ଜଣାଇଥିଲେ । ଏପରିକି ଉକ୍ତ ଭାଇରାଲ ମେସେଜଟି ସମ୍ପୂର୍ଣ୍ଣ ଫେକ୍ ବୋଲି ଜଣାଇଥିଲେ ସାନ୍ତନୁ ।
ଅଧିକ ତଦନ୍ତ କରିବାରୁ, ସୁଧୀର କୁଦାଲକରଙ୍କ ଏକ ସୋସିଆଲ ମିଡିଆ ଆକାଉଣ୍ଟ ହସ୍ତଗତ ହୋଇଥିଲା । ଯେଉଁଥିରେ ସିଏ ଜଣେ ପୋଲିସ୍ କର୍ମଚାରୀ ବୋଲି ଦର୍ଶାଇଥିବା ବେଳେ, ଜଣେ ପଶୁପ୍ରେମୀ ବୋଲି ମଧ୍ୟ ନିଜ ପ୍ରୋଫାଇଲରେ ଉଲ୍ଲେଖ କରିଛନ୍ତି ।
ଇନଷ୍ଟାଗ୍ରାମ ଆକାଉଣ୍ଟରେ ଏକ ରିଲ୍ସ କରି ଉଲ୍ଲେଖ କରିଛନ୍ତି, ଉକ୍ତ ଭାଇରାଲ ମେସେଜ ପାଇବା ପରେ ମୁଁ ରତନ ଟାଟାଙ୍କ ବନ୍ଧୁ କୁହାଯାଉଥିବା ଶାନ୍ତନୁ ଙ୍କ ସହ ଆଲୋଚନା କଲି । ଉକ୍ତ ଖବରକୁ ଶାନ୍ତନୁ ଖଣ୍ଡନ କରିବା ସହ ଗୋଆ ସୁସ୍ଥ ଏବଂ ଜୀବିତ ଥିବାର ଶାନ୍ତନୁ ତାଙ୍କୁ କହିଥିଲେ ବୋଲି ଦର୍ଶାଇଛନ୍ତି ସୁଧୀର ।
ସେହିପରି Free Press Journal ଏକ ଖବର ପ୍ରସାରଣ କରି ଉଲ୍ଲେଖ କରିଛି, Ratan Tata's dog 'Goa' was claimed to be dead, days after the demise of its owner, on WhatsApp forwarded messages. But this piece of information is entirely fake. The dog is alive. The messages about Goa's death are untrue.
ହ୍ଵାଟ୍ସଆପରେ ଭାଇରାଲ ହେଉଥିବା ଖବର ଯେଉଁଥିରେ ଉଲ୍ଲେଖ ରହିଛି ଯେ, ରତନ ଟାଟାଙ୍କ ମୃତ୍ୟୁର କିଛିଦିନ ପରେ ତାଙ୍କ ପ୍ରିୟ ପୋଷା କୁକୁର 'ଗୋଆ'ର ଦେହାନ୍ତ ହୋଇଛି । କିନ୍ତୁ ଏହି ସୂଚନାଟି ସମ୍ପୂର୍ଣ୍ଣ ଫେକ୍ । କୁକୁରଟି ସୁସ୍ଥ ଏବଂ ଜୀବିତ ଅଛି, ଗୋଆର ମୃତ୍ୟୁ ବିଷୟରେ ଖବର ମିଥ୍ୟା ଅଟେ ।
ତେଣୁ ଏଥିରୁ ଜଣାଯାଏ ଯେ, ଭାଇରାଲ ଖବରରେ ନାହିଁ କୌଣସି ସତ୍ୟତା I ରତନ ଟାଟାଙ୍କ ପ୍ରିୟ ପୋଷା କୁକୁର 'ଗୋଆ' ସୁସ୍ଥ ଏବଂ ଜୀବିତ ଅଛି ।
