Anam : ఆనం పార్టీ మారినా ..ఫలితం లేదా? నియోజకవర్గం ఎక్కడ? నెల్లూరులో నిరీక్షణ

ఆనం రామనారాయణరెడ్డికి మళ్లీ వెంకటగిరి టిక్కెట్ కేటాయించనున్నారా? లేక ఆయనను ఎక్కడికి పంపుతారు? ఆత్మకూరు వెళ్లేందుకు ఆనం అయిష్టత వ్యక్తం చేస్తున్నట్లు సమాచారం. అలాగే తనకు నెల్లూరు టౌన్ ఇస్తే బాగుంటుందని ఆయన సన్నిహితుల వద్ద వ్యాఖ్యానించారు. కానీ నెల్లూరు టౌన్ లో ఇప్పటికే టీడీపీ రిజర్వ్ చేసింది. అక్కడ మాజీ మంత్రి నారాయణ పోటీ చేయనున్నారు. జనసేన, టీడీపీతో పొత్తుతో ఈసారి నేరుగా గెలిచి అసెంబ్లీలోకి అడుగుపెడతానని నారాయణ చెబుతున్నారు. నెల్లూరు సిటీ సీటును ఆనం రామనారాయణరెడ్డికి ఇచ్చే అవకాశం ఎంతమాత్రం లేదు. అయితే ఆత్మకూరు నియోజకవర్గానికి వెళ్లాలని పార్టీ చెబుతున్నా అందుకు ఆనం అంగీకరించడం లేదని తెలిసింది.