Magunta : కవిత అరెస్ట్‌తో మాగుంట టిక్కెట్ ఏమవుతుందో?.. బీజేపీ అభ్యంతరం చెబుతుందా?

మాగుంట శ్రీనివాసరెడ్డి నుంచి ముప్ఫయి కోట్ల రూపాయలను సేకరించి కల్వకుంట్ల కవితను ముప్ఫయి కోట్లను ఢిల్లీకి చేర్చారంటూ రిమాండ్ రిపోర్టులో ఈడీ అధికారులు పేర్కొన్నారు. ఇదే కేసులో మాగుంట రాఘవరెడ్డి దాదాపు ఆరు నెలలకు పైగానే జైలులో ఉన్నారు. తర్వాత అప్రూవర్ గా మారి బెయిల్ పై బయటకు వచ్చారు. ఈ పరిస్థితుల్లో ఈడీ అధికారులు ఢిల్లీ లిక్కర్ స్కామ్ కేసులో స్పీడ్ పెంచింది. ఈ కేసులో అప్రూవర్ గా మారినా మాగుంట రాఘవరెడ్డి, శ్రీనివాసులు రెడ్డి ప్రమేయం ఉందని తేలడంత్ో వారికి టిక్కెట్ ఇవ్వడానికి బీజేపీ అంగీకరిస్తుందా? లేదా? అన్నది ఇప్పుడు చర్చనీయాంశంగా మారింది.

ఏపీలో టీడీపీ, జనసేన, బీజేపీలు పొత్తుతో కలసి పోటీ చేస్తున్నాయి. తమ ఎన్డీఏలో భాగస్వామిగా ఉన్న పార్టీ ఢిల్లీ లిక్కర్ స్కామ్ లో ప్రముఖంగా వినిపించిన వారికి టిక్కెట్ ఇస్తే ఆ ప్రభావం దేశ వ్యాప్తంగా ప్రత్యర్థులు తమకు అనుకూలంగా మలచుకునే అవకాశముంది. అందుకోసమే బీజేపీ నేతలు అభ్యంతరం చెప్పే అవకకాశముందంటున్నారు. మాగుంట రాఘవరెడ్డి ఈ కేసులో అప్రూవర్ గా మారినప్పటికీ ఆయన పై పడిన మచ్చ తొలగిపోలేదని ప్రత్యర్థి పార్టీలు విమర్శించే వీలుంది. అవినీతిపరులను తాము దరిచేర్చబోమని చెబుతున్న కమలనాధులకు మాగుంట కుటుంబానికి సీటు ఇస్తే ఇబ్బందులు ఎదురవుతాయని బీజేపీ నేతలు చెబుతున్నారు. మరి చివరకు మాగుంటకు టిక్కెట్ ఇస్తారా? లేదా? అన్నది తేలనుంది.