Vijayawada : ఇంటిపేరు ఒకటే.. పార్టీలు వేరు.. అన్నదమ్ముల మధ్య పోటీ మాత్రం అదుర్స్

ఇంటి పేరు కేశినేని.. కాని కసినేని అని మార్చుకుంటే బెటర్‌గా ఉంటుందేమో.. అన్నదమ్ముల మధ్య ఆస్తి వివాదాలు మాత్రమే కాదు రాజకీయ విభేదాలు కూడా తీవ్రంగా ఉంటాయని ఈ బెజవాడ బ్రదర్స్ ను చూస్తేనే అర్థమవుతుంది. ఇద్దరూ ఒకే పార్టీలో మొన్నటి వరకూ ఉన్నారు. కానీ ఇప్పుడు వేర్వేరు పార్టీల నుంచి ప్రత్యర్థులుగా బ్రదర్స్ బరిలోకి దిగుతున్నారు. వారే కేశినేని బ్రదర్స్. కేశినేని నాని... కేశినేని చిన్ని.. ఈ ఇద్దరు పేర్లు వేర్లు వేరయినా బెజవాడలో ఫేమస్ గా వినిపించే పేర్లు మాత్రం ఇవే. ఇద్దరూ మొన్నటి వరకూ తెలుగుదేశం పార్టీలో ఉన్నారు. కానీ నేడు ఒకరు వైసీపీ అభ్యర్థిగా, మరొకరు టీడీపీ అభ్యర్థిగా విజయవాడ పార్లమెంటు బరిలో పోటీ చేసి తమ అదృష్టాన్ని పరీక్షించుకోవాలనుకుంటున్నారు.