Revanth Reddy : ఏపీలో ఎన్నికల వేళ చంద్రబాబుకు షాకిచ్చిన రేవంత్ రెడ్డి

రేవంత్ రెడ్డి తన ప్రసంగంలో ఏపీ ప్రాజెక్టుల గురించి ప్రస్తావించారు. ఆంధ్రప్రదేశ్ లో జగన్ ప్రాజెక్టులు కడుతున్నప్పటికీ కేసీఆర్ పట్టించుకోలేదనడం జగన్ ను ఒకరకంగా ఎన్నికల సమయంలో ఊతమిచ్చినట్లే అవతుంది. అలాగే రాయలసీమలో పోతిరెడ్డిపాడు ఎత్తిపోతల పథకం విస్తరణ చేపట్టినా కూడా కేసీఆర్ పట్టించుకోలేదని, రాయలసీమలో ప్రాజెక్టులకు బీజం కేసీఆర్ డైనింగ్ టేబుల్ పైనే పడిందని రేవంత్ చేసిన వ్యాఖ్యలు కూడా జగన్ కు రాజకీయంగా ఉపయోగపడేవే. ప్రాజెక్టుల విషయంలో కేసీఆర్ కంటే జగన్ స్పీడ్ గా ఉన్నారని ఒకరకంగా కాంగ్రెస్ పాలిత రాష్ట్ర ముఖ్యమంత్రిగా రేవంత్ రెడ్డి అనడం చంద్రబాబును ఆయన పార్టీని పొలిటికల్ గా ఇబ్బంది పెట్టడమే అవుతుంది కదా?

రోజా ఇచ్చిన పులుసు తిని వాళ్లిచ్చిన అలుసుతోనే కృష్ణా నది జలాలను తరలించుకు వెళ్లారనడం కానీ, సాగర్ డ్యామ్ పైకి ఏపీ పోలీసులు రావడం వెనక కేసీఆర్ హస్తం ఉందని చెప్పడం కానీ ఏపీకి మంచి చేసేవే. ఏపీలోని రైతులకు మేలు చేసేవే. అలాగే ఏపీలో జగన్ ప్రాజెక్టులు కట్టుకుంటూ పోతుంటే తెలంగాణలో రెండు టీఎంసీలను కూడా తరలించలేకపోయారనడం కూడా ఏపీ ముఖ్యమంత్రి కేపబులిటీని పెంచడమే. జగన్ మన ప్రాజెక్టులపై తుపాకీ పెట్టి నీటిని తరలించుకుపోయారని అని ఒకరకంగా జగన్ ను హీరోను చేసినట్లేనని అనుకోవాల్సి ఉంటుంది. ఈరోజు తెలంగాణ అసెంబ్లీలో రేవంత్ రెడ్డి ప్రసంగం తన ప్రభుత్వం తప్పిదం లేదని చెప్పుకోదలచుకున్నప్పటికీ అది పరోక్షంగా జగన్ కు సాయం చేసినట్లుందన్న కామెంట్స్ వినపడుతున్నాయి.

ముఖ్యంగా ఆంధప్రదేశ్ ఎన్నికల సమయంలో రేవంత్ చేసిన వ్యాఖ్యలు జగన్‌కు ఉపయోగపడేవిగానే ఉన్నాయన్నది వాస్తవం. రాష్ట్రంలో తనకు ప్రత్యర్ధిగా ఉన్న కేసీఆర్‌పై విమర్శలు చేయబోయి అత్యధికంగా ఉన్న రైతులను జగన్‌కు అనుకూలంగా మలచి రేవంత్ తన గురువు చంద్రబాబు పార్టీ కిందకు నీళ్లు తెచ్చారన్న పొలిటికల్ కామెంట్స్ వినపడుతున్నాయి. నిజానికి రేవంత్ రెడ్డి ప్రత్యర్థి కేసీఆర్. ఏపీ రాజకీయాలు ఆయనకు అనవసరం కావచ్చు. కానీ ఇప్పుడు ఎన్నికల వేళ ఏపీలో ఆయన తెలంగాణలో చేసిన కామెంట్స్ జగన్ కు ఉపయోగకరంగా మారే అవకాశాలు లేకపోలేదంటున్నారు రాజకీయ విశ్లేషకులు. రేవంత్ రెడ్డి ప్రసంగాన్ని వైసీపీ సోషల్ మీడియా వైరల్ లో చేయడంలో అంతరార్ధమిదే.