Nagababu : ఎందుకంత తొందర సామీ.. నోరు.. చేయి కుదురుగా లేకపోతే ఇలాగే ఉంటది మరి

ఇప్పటికి అనేక సార్లు నాగబాబు ట్వీట్లు చేసి వివాదంలో చిక్కుకున్నారు. పబ్లిక్ లైఫ్ లో ఉన్నప్పుడు పొగడ్తలు ఎంత సహజమో.. విమర్శలు కూడా అంతే నిజం. కానీ చిరంజీవి తన పైన వచ్చే విమర్శలను కూడా ఆయన పట్టించుకోరు. చూసీ చూడనట్లు వదిలేస్తారు. అందుకే ఆయన ఎప్పుడూ కాంట్రవర్సీని కొని తెచ్చుకోలేదు.కానీ నాగబాబు ఇందుకు వ్యతిరేకంగా... దారిని పోయే కంపను నెత్తికిచుట్టుకున్నట్లు ఉంటుంది ఆయన వ్యవహారం. తొందరపడటం.. తర్వాత సర్దుకోవడం ఆయనకు మామాలే.

మరోసారి నాగబాబు ట్విట్టర్ లో అల్లు అర్జున్ పై పరోక్షంగా పెట్టిన పోస్టును డిలీట్ చేశారు. తన పోస్టును డిలీట్ చేస్తున్నట్లు చెప్పారు. "మాతో ఉంటూ ప్రత్యర్థులకి పని చేసేవాడు మావాడైనా పరాయివాడే, మాతో నిలబడేవాడు పరాయివాడైనా మావాడే" అని నాగబాబు చేసిన ట్వీట్ దుమారం రేపింది. మెగా కాంపౌండ్ లోనూ కలకలరం రేగింది. మెగా ఫ్యామిలీలో విభేదాలున్నాయని ఆయన తనకు తానే బయట పెట్టుకున్నారంటూ అనేక మంది వ్యాఖ్యానాలు కూడాచేశారు. ఇందుకు కారణం తన స్నేహితుడైన నంద్యాల వైసీపీ అభ్యర్థి శిల్పా రవిచంద్ర కిషోర్ రెడ్డికి మద్దతుగా అల్లు అర్జున్ వెళ్లడంతో ఆయన ఆవేశం ఆపుకోలేక ఆ ట్వీట్ చేశారు. తర్వాత బూమరాంగ్ అవ్వడంతో దానిని డిలీట్ చేశారు. మరి ఎందుకంత తొందర? ఎందుకంత ఆవేశం? అన్న ప్రశ్నకు మాత్రం సమాధనం దొరకదు.