ఎన్టీఆర్ శత జయంతి వేడుకలు : మే27,28 తేదీల్లో మహానాడు నిర్వహణ

మండువారిపాలెం రెవెన్యూ విలేజ్ పరిధిలో గల త్రోవగుంట ప్రాంతంలో మే 27,28 తేదీల్లో టిడిపి మహానాడు జరగనున్నట్లు చంద్రబాబు తెలిపారు. మహానాడు నిర్వహణ సమయానికి వర్షాలు వచ్చే అవకాశాలున్న నేపథ్యంలో ఒంగోలు మినీ స్టేడియం కోసం ప్రభుత్వానికి దరఖాస్తు చేయగా.. చివరి నిమిషంలో నిరాకరించడం పై చంద్రబాబు ఆగ్రహం వ్యక్తం చేశారు. దాంతో..తొలుత పరిశీలించిన బృందావన్ ఫంక్షన్ హాల్ ప్రాంతంలోనే మహానాడు నిర్వహించాలని నిర్ణయించారు. నూతనత్వంతో, భావజాలం చాటేలా మహానాడు నిర్వహించాలని చంద్రబాబు నేతలకు సూచించారు. స్టేడియం కోసం దరఖాస్తు చేసి, అవసరమైన ఫీజు చెల్లించినా ప్రభుత్వం ఒంగోలు మినీ స్టేడియం ఇవ్వకపోవడంపై టిడిపి నేతలు మండిపడ్డారు. మే 17 నుంచి సభా ప్రాంగణంలో మహానాడు పనులు మొదలవుతాయని పార్టీ నేతలు తెలిపారు.