గవర్నర్ ను కలిసిన సిద్ధూ, డీకే

దీంతో సీఎంగా సిద్దరామయ్య, డిప్యూటీ సీఎంగా డీకే శివకుమార్ లను ప్రభుత్వ ఏర్పాటుకు గవర్నర్ ఆహ్వానించారు. బెంగళూరులోని కంఠీరవ స్టేడియంలో మే 20వ తేదీ మధ్యాహ్నం 12.30 గంటలకు ప్రమాణ స్వీకారోత్సవం జరగనుంది. ఈ కార్యక్రమానికి సోనియా గాంధీ, రాహుల్ గాంధీ, ప్రియాంక గాంధీ, మల్లిఖార్జున ఖర్గేలు చీఫ్ గెస్టులుగా హాజరుకానున్నారు. కర్ణాటక ఎన్నికల ఫలితాలు వెలువడిన తర్వాత నాలుగు రోజుల పాటూ సీఎం కుర్చీ విషయమై తీవ్ర చర్చ జరిగింది. ఢిల్లీలో కాంగ్రెస్ అధిష్టానం సుదీర్ఘ మంతనాలు జరిపి సీఎంను ప్రకటించింది. కాంగ్రెస్ హైకమాండ్ సిద్దరామయ్యను సీఎంగా, డిప్యూటీ సీఎంగా డీకే శివకుమార్‌ ను ప్రకటించింది.