BRS : ఓటమి తర్వాత పెదవి విప్పుతున్న నేతలు.. అధినాయకత్వంలో అంతర్మధనం

భారత రాష్ట్ర సమితి ఇటీవల ఎన్నికల్లో ఓటమి పాలు కావడానికి అనేక కారణాలున్నాయి. పదేళ్లు అధికారంలో ఉండటంతో పాటు ప్రభుత్వం చేసిన తప్పులు కూడా ఉండే ఉంటాయి. దీనికి తోడు పార్టీ అధినేత ఎవరికీ అందుబాటులో ఉండకపోవడం కూడా కిందిస్థాయి క్యాడర్ లో కొంత అసహనం ఏర్పడింది. వీటన్నింటితో పాటుగా సంక్షేమ పథకాలన్నింటినీ ఎమ్మెల్యేలు తమకు తోచినట్లుగా తమకు నచ్చిన వారికి పందేరం చేయడం కూడా మరొక కారణంగా ఆ పార్టీ నేతలే విశ్లేషిస్తున్నారు. స్వయంగా బీఆర్ఎస్ వర్కింగ్ ప్రెసిడెంట్ కేటీఆర్ అయితే సిట్టింగ్ ఎమ్మెల్యేలపై ఉన్న వ్యతిరేకతను తాము గుర్తించినా వారిని మార్చలేకపోయామని చెప్పడం ఇందుకు నిదర్శనం.