రాంగ్ స్టెప్ వేసి.. వెనక్కు తీసుకోలేనంతగా

దివంగత ముఖ్యమంత్రి వైఎస్ రాజశేఖర్ రెడ్డి తనయగా వైఎస్ షర్మిలకు రాజకీయాలు అస్సలు అచ్చిరాలేదనే చెప్పాలి. ఏపీలో తన అన్నను కాదని తెలంగాణలో పార్టీ పెట్టడమే షర్మిల చేసిన అది పెద్దతప్పు అని విశ్లేషకులు సయితం అంగీకరిస్తున్నారు. అన్నతో సత్సంబంధాలు కొనసాగించి ఉంటే ఏదో ఒక రకంగా రాజకీయ పదవి లభించేదన్న కామెంట్స్ వినపడుతున్నాయి. తెలంగాణలో పార్టీ పెట్టి షర్మిల చేతులు కాల్చుకున్నట్లయిందని అనే వారు ఎక్కువగా కనపడుతున్నారు. వైఎస్ రాజశేఖర్ రెడ్డిని అభిమానించే వారంతా షర్మిల రాజకీయంగా వేసిన తప్పటడుగులు గురించి చర్చించుకుంటున్నారు.రాజకీయంగా బలమైన కుటుంబం నుంచి వచ్చిన షర్మిల చివరకు నామమాత్రంగా మిగిలిపోతుండటం జీర్ణించుకోలేకపోతున్నారు.