KCR : ఇగో హర్టెడ్...అందుకే రాజీనామాకు సిద్ధమవుతున్నారట

దీంతో ఆయన గజ్వేల్ శాసనసభ స్థానానికి కూడా రాజీనామా చేయాలని భావిస్తున్నారు. తాను శాసనసభ్యుడిగా కొనసాగే కంటే వచ్చే పార్లమెంటు ఎన్నికల్లో బరిలోకి దిగడం బెటర్ అని ఆయన భావిస్తున్నారు. శాసనసభ్యుడిగా ఆయన అసెంబ్లీ సమావేశాలకు హాజరయ్యే అవకాశముండదు. ఆయన ఇగో అంగీకరించడం లేదు. తెలంగాణ రాష్ట్రం వచ్చిన తర్వాత తానే ముఖ్యమంత్రిగా ఉండి దాదాపు పదేళ్ల పాటు ఉన్న శాసనసభలో ప్రతిపక్ష స్థానంలో కూర్చోవడాన్ని ఆయన సుతారమూ ఇష్టపడటం లేదు. అధికార పార్టీ తమకు మాట్లాడేందుకు కూడా పెద్దగా సమయం ఇవ్వకుండా ఎదురుదాడికి దిగే అవకాశాలున్నాయన్నది ఆయన అంచనా.

అందుకే శాసనసభ పక్ష నేతను ఎవరినో ఒకరిని ఎంపిక చేసి తాను ఎమ్మెల్యే పదవికి రాజీనామా చేయాలని భావిస్తున్నారు. వీలుంటే.. అప్పటి అవసరాలు.. ఆకాంక్షలను బట్టి పార్లమెంటుకు పోటీ చేయాలన్న ఉద్దేశ్యంతో ఉన్నారు. కొన్నాళ్ల పాటు రాష్ట్రాన్ని వదిలి ఢిల్లీకి వెళ్లాలన్న ఆలోచన కూడా ఆయన చేస్తున్నారు. ఎటూ పార్టీని కేటీఆర్ కు అప్పగించాలని భావిస్తుండటంతో రానున్న ఐదేళ్ల పాటు ప్రభుత్వంపై పోరాటాన్ని ఆయనకే వదిలేసి తాను ఢిల్లీకి వెళ్లి కొంత విశ్రాంతి తీసుకోవాలని యోచిస్తున్నారని పార్టీ వర్గాల నుంచి అందుతున్న సమాచారం. ఢిల్లీలో ఉండి కావాల్సి వస్తే ఇక్కడ కేటీఆర్ కు దిశానిర్దేశం చేయవచ్చని, ఇక్కడ ఉండి అధికార పార్టీ నేతల మాటలతో అవమానాలు పడే కన్నా పార్లమెంటు ఎన్నికల్లో పోటీ చేసి అక్కడకు వెళ్లడం మంచిదన్న డెసిషన్ కు ఆయన వచ్చినట్లు తెలిసింది.

శానససభ్యుడిగా ఉంటే ఏదో ఒక సమావేశానికి హాజరు కావాల్సి ఉంటుంది. అక్కడ ముఖ్యమంత్రి ఛాంబర్ ను వదిలి అసెంబ్లీలో మరొక చోట కూర్చోవడం కూడా ఆయన చిన్నతనంగా ఫీలవుతున్నారు. పూలమ్మిన చోట రాళ్లమ్మడం ఇష్టం లేకనే కేసీఆర్ గజ్వేల్ శాసనసభ్యత్వానికి రాజీనామా చేయాలన్న యోచనలో ఉన్నారు. అయితే దీనిపై కొందరి ముఖ్యనేతలతో ఇప్పటికే చర్చించినట్లు తెలిసింది. శాసనసభ పక్ష నేత ఎంపిక తర్వాత కేసీఆర్ గజ్వేల్ శాసనసభ్యుడిగా రాజీనామా చేస్తారన్న టాక్ వైరల్ అవుతుంది. కుటుంబ సభ్యుల నుంచి పార్టీ సీనియర్ నేతల వరకూ అదే బెటర్ అని భావిస్తుండటంతో ఆయన ఎమ్మెల్యే పదవికి రాజీనామా చేయడం ఖాయంగా కనిపిస్తుంది. దీంతో గజ్వేల్ నియోకవర్గానికి ఉప ఎన్నిక తప్పేలా కనిపించడం లేదు.