పవన్ ఆలోచన అదే.. ముఖ్యమంత్రి పదవే లక్ష్యంగానే

జనసేన అధినేత పవన్ కల్యాణ్ ఆలోచనలో మార్పు కనిపిస్తుంది. ఆయనను ముఖ్యమంత్రిగా చూడాలని పార్టీ అభిమానులతో పాటు ఫ్యాన్స్, సామాజికవర్గం ప్రజలు కూడా గట్టిగా కోరుకుంటున్నారు. పవన్ కూడా పదే పదే ప్రజలు కోరుకుంటే తాను ముఖ్యమంత్రి పదవిని చేపడతానని చెబుతూ వస్తున్నారు. అయితే తెలుగుదేశం పార్టీతో పొత్తు పెట్టుకుని అధికారంలోకి వస్తే పవన్ కల్యాణ్ ముఖ్యమంత్రి ఎలా అవుతారన్న సందేహం మాత్రం పార్టీ క్యాడర్ ను ఇబ్బంది పెడుతూనే ఉంది. ఆయన విడిగా పోటీ చేసి గెలిస్తేనే ముఖ్యమంత్రి పదవి దక్కుతుందన్న నమ్మకం వారిలో ఎక్కువగా కనిపిస్తుంది. అందుకే టీడీపీతో పొత్తుకు చాలా మంది విముఖత చూపుతున్నారు.