India vs Pak Champions Trophy : ఇంకా గంటలే సమయం.. మనోళ్లు ఏం చేస్తారో?

సండే అంటే అందరికీ సెలవు. దీంతో అదే రోజు ఇండియా - పాక్ మ్యాచ్ ఉండటంతో ఇక చెప్పాల్పిన పనిలేదు. మధ్యాహ్నం 2.30 గంటలకు దుబాయ్ లో ప్రారంభమయ్యే ఈ మ్యాచ్ రాత్రి పదిన్నర గంటలకు పైగానే సాగుతుంది. యాభై ఓవర్ల మ్యాచ్ కావడంతో ఎన్నో ట్విస్టులుంటాయి. భారత్ పై భారీగా ఆశలున్నాయి. ఛాంపియన్స్ ట్రోఫీ గెలవకపోయినా సరే పాక్ ను ఈ మ్యాచ్ లో ఓడిస్తే చాలు ట్రోఫీని ఇంటికి తీసుకెళ్లినట్లే భావిస్తారు. రెండు దేశాల భారత్ అభిమానుల పరిస్థితి అదే. జెండాలతో మైదానంలో ఒకటే అరుపులు. కామెంట్రీ కూడా వినపడనంతగా అరుపులు, కేకలతో దద్దరిల్లిపోతుంది.

అయితే రెండుజట్ల పరిస్థితి ప్రస్తుతం బలంగానే ఉండటంతో ఉత్కంఠ మరింత పెరుగుతుంది. విదేశీగడ్డపై రెండు జట్లకు ప్రత్యర్థిని ఓడించిన చరిత్ర ఉంది. అలాగే టీంఇండియా ఆటగాళ్లతో పాటు పాక్ ఆటగాళ్లు కూడా కుదురుకుంటే ఇక ఆపేవారుండరు. ఆటగాళ్లలో కూడా ఇతర దేశాల మీద ఆడే తీరుకు ఈ రెండు జట్లు పోటీ పడే తీరుకు మధ్య ఎంతో వ్యత్యాసం ఉంది. కసితో రెండు జట్ల ప్లేయర్లు రగిలిపోతుంటారు. ఆటగాడు అవుటయినంత మాత్రాన వెంటనే సెలబ్రేషన్ లో మునిగిపోతారు.మాటలను కూడా తూలుతారు. ఇలాంటి పరిస్థితుల్లో రేపు జరిగే మ్యాచ్ మాత్రం అందరికీ కంటి మీద కునుకు లేకుండా చేస్తుంది. ఎంతగా అంటే ఈరోజు నుంచే క్రికెట్ ఫీవర్ ప్రారంభమయింది.