నేటి నుండి ఆసియా కప్.. ఫ్రీగా చూడాలంటే ఇలా..!

ఆసియా కప్ 2023లో మొత్తం ఆరు టీమ్‌లు పాల్గొననున్నాయి. మొత్తం 13 మ్యాచులు జరగనున్నాయి. సెప్టెంబర్ 17న ఫైనల్ మ్యాచు జరగనుంది. తొలి మ్యాచ్‌లో పాకిస్థాన్ - నేపాల్‌ తలపడనున్నాయి. మధ్యాహ్నం 3 గంటలకు మ్యాచ్‌ ప్రారంభం కానుంది. పాకిస్థాన్‌లోని ముల్తాన్‌ వేదికగా టోర్నీ ఆరంభ వేడుకలు జరగనున్నాయి. ఈ వేడుకలకు బీసీసీఐ చీఫ్ రోజర్ బిన్నీ హాజరవుతారని పాకిస్థాన్ క్రికెట్ బోర్డు అధ్యక్షుడు జకా అష్రాఫ్ వెల్లడించారు. మొత్తం 6 జట్లు ఈ టోర్నీలో పాల్గొంటాయి. భారత్, పాకిస్తాన్‌, నేపాల్‌ ‌ జట్లు గ్రూపు-ఏ లో ఉండగా.. ఆఫ్గానిస్తాన్‌, శ్రీలంక, బంగ్లాదేశ్‌ గ్రూపు-బిలో ఉన్నాయి. మొత్తం మ్యాచుల్లో పాకిస్థాన్‌లో 4 మ్యాచులు, మిగతా 9 శ్రీలంక వేదికగా నిర్వహించనున్నారు. పాకిస్థాన్ జట్టు ఆడే మ్యాచ్‌లు వారి సొంతగడ్డపై, భారత్ ఆడబోయే మ్యాచ్‌లు శ్రీలంక వేదికగా జరగనున్నాయి.

ఆసియా కప్ మ్యాచ్‌లను స్టార్ స్పోర్ట్స్ నెట్ వర్క్ ప్రసారం చేయనుంది. మొబైల్ వినియోగదారులు ప్రముఖ ఓటీటీ ఫ్లాట్‌ఫామ్ డిస్నీ+హాట్ స్టార్(Disney + Hotstar) లో ఆసియా కప్ మ్యాచ్‌లను చూడొచ్చు. మొబైల్ వినియోగదారులు ఉచితంగా మ్యాచ్ లను చూడొచ్చని డిస్నీ+హాట్ స్టార్ ఇప్పటికే ప్రకటించింది. హాట్‌స్టార్‌లో తెలుగు కామెంట్రీ అందుబాటులో ఉంటుంది.